In nomine domini amen. Noverint universi et singuli presens publicum instrumentum inspecturi. Quod anno domini millesimo trecentesimo septuagesimo primo, indiccione nona, die octava mensis Ianuarii, hora nona vel quasi, in monasterio seu claustro plassen(si) sancti Bernhardi ordinis Cisterciensis pragen(sis) diocesis, in capella superius sita, ubi abbates monasterii predicti sua commoda spacia habere consueverunt, pontificatus sanctissimi in Christo patris et domini nostri domini Urbani divina providencia pape quinti anno primo, regnante serenissimo principe domino nostro et domino Karolo Romanorum imperatore semper Augusto anno xvio, in mei notarii publici infrascripti testiumque presencium subscripcione ad hoc specialiter vocatorum et rogatorum. Nos Gerlacus pomucen(sis) et Hermannus aule regie abbates Cisterciensis sancti Bernhardi ordinis predicte pragen(sis) diocesis, laudatores, diffinitores, pronunciatores ac amicabiles compositores et arbitratores personaliter constituti in causa seu causis hiis et super expensis et impensis venerabilis viri domini Nicolai abbatis plassen(sis) monasterii predicti, quas licet pendente inter abbates olim Ebrhardum de abbatia depositum et destitutum ac Eodemnum sancte corone monasterii predicti, prout nuper in instrumento compromissi super hoc confecto plenius et liquidius apparet seu continetur, pro reverendis viris et dominis Nicolao plassen(si) et Gerhardo sancte corone abbatibus et conventu ipsorum monasteriorum predictorum ordinis Cisterciensis sancti Bernhardi et diocesis pragen(sis) predicte, concorditer et unanimiter ac communi voto et assensu virtute cuiusdam compromissi de abbatis ac consilio et sano assessorum consilio, deum habentes et ipsius nomine invocato, domino Nicolao abbati plassen(si) predicto et sancte corone abbati absenti, laudamus, diffinimus, pronunciamus ac arbitramur in hunc modum. In primis quod omnis rancor et displicencia inter prefatos abbates et ipsorum complices a modo cessare debet. Item pronunciamus, diffinimus, laudamus, arbitramur et ordinamus, quod dominus Ebrhardus abbas seu suus successor et conventus sancte corone monasterii predicti dent et persolvant prefato venerabili viro domino Nicolao abbati seu ipsius successori et conventui plassen(si) monasterii predicti pro impensis et expensis per ipsum dominum Nicolaum abbatem et conventum plassen(sem) in lite predicta de premissis factis centum sexaginta grossorum denariorum pragen(sium) omnem in eventum, sub pena in compromisso apposita videlicet centum sexagenarum grossorum denariorum pragen(sium). Item pronunciamus et ordinamus, quod easdem centum sexaginta grossorum denariorum pragen(sium) predictorum aput dominum Gerlacum et in monasterio pomucen(si) predicto reponant ipsorum laboribus, periculis et expensis cum effectu, postquam autem prefate pecunie sic ut premittitur aput dominum Gerlacum abbatem pomucen(sem) predictum plene vel sic fuerint reposite, tunc ipse dominus abbas pomucen(sis) predictus statim nunciare et intimare debet prenominato domino Nicolao abbati plassen(si) ut easdem pecunias statim in monasterio pomucen(si) recipiat suis periculis, laboribus et expensis. In terminis infrascriptis videlicet in festo sancti Georgii nunc proxime instanti viginti sexaginta grossorum denariorum pragen(sium) predictorum. Et in festo sancti Galli tunc immediate sequenti similiter viginti sexaginta grossorum predictorum. In festo vero sancti Georgii a festo sancti Georgii nunc proxime instanti anno revoluto inclusive sicut in primo termino similiter viginti sexaginta grossorum predictorum. Et sic deinceps singulis festis prenominatis usque ad plucionem seu complecionem centum sexaginta grossorum predictorum dent et persolvant ac in eodem loco sic ut premittitur reponant ipsorum periculis, laboribus et expensis omni fraude et dolo ac occasione qualibet proculmota. Item laudamus, pronunciamus et arbitramur ac diffinimus, quod si quod absit prenominatus dominus Gerhardus abbas et conventus sancte corone in aliquo predictorum terminorum, primo videlicet in festo sancti Georgii nunc proxime affuturo viginti sexaginta grossorum denariorum predictorum aut infra unum mensem post festum sancti Georgii statim in mediate sequentem solvere vel in loco premisso reponere neglexerint vel fuerint remissi, extunc nomine pene prefatus dominus Ebrhardus abbas et conventus sancte corone decem sexaginta grossorum cum capitali pecunia videlicet viginti sexaginta grossorum reponant in loco supradicto. Si autem predicto mense elapso infra octo dies in mediate sequentes dictas viginti sexaginta grossorum predictorum capitali pecunia cum pena decem sexaginta grossorum non persolverint seu in loco pretacto non reposuerint cum effectu, extunc statim valli sue abbatie in monasterio sancte corone predicti sine ulla licencia intrare seu ingredi non presumat. Item laudamus, pronunciamus, arbitramur ac diffinimus omnino volentes, quod in solucione pecuniarum predictarum in dicto festo Georgii in mediate venturi primo termino premissa sicut tunc in eodem termino solvere incipiet, sic et in aliis terminis sequatis usque ad solucionem seu complecionem dictarum centum sexaginta cum premissis penis in omnibus et singulis ut est pretactum volumus irrefragabiliter observari. Si autem in quocumque predictorum terminorum tam in principalis quam abbas Gerhardus et conventus sancte corone fuerint negligentes vel remissi solvere vel reponere in loco premisso, extunc in penam seu penas suprascriptas irremissibiliter incurrere volumus ipso facto. Item arbitramur, laudamus, pronunciamus, declaramus et diffinimus, quod quociens predictas centum sexaginta grossorum predictorum in terminis suprascriptis ipse dominus Gerhardus seu suus successor si cum ad solucionem dictarum centum sexaginta de hoc seculo migret, quod absit, gesserit et suus sancte corone conventus omnia que in premissis continentur observaverint, statim toto persolverint, extunc ipsi domino Nicolao abbati seu suo successori et conventui plassen(si) predictum silencium imponimus ipso facto. Item laudamus, pronunciamus, arbitramur et diffinimus, quod prefati domini videlicet Nicolaus plassen(si) et Gerhardus sancte corone abbates cum ipsorum conventibus ad roborandum et firmandum ac ratificandum dicta inter pronunciatores instrumenta sigilla ipsorum in instrumento publico compromissi in nos videlicet pomucen(sem) et aule regie abbates facti seu moniti fuerint apponant et in pendant videlicet quilibet pro illincita. Si autem quispiam ipsorum abbatum videlicet plassen(sis) vel sancte corone cum ipsorum conventibus sigilla ipsorum ad instrumentum seu instrumenta compromissi in nos facti apponere seu appendere noluerint vel moniti neglexerint, extunc in penam centum sexaginta sexaginta grossorum denariorum pragen(sium) predictorum per servantem seu sigillum suum appendentem pro precium sigillum suum non appendente et certum faciente seu gerentem arbitrium vertentes volumus irremissibiliter incurrere ipso facto. Item demum et ultimo laudamus, pronunciamus et arbitramur ac diffinimus, quod si aliqua dubia super dictis expensis vel impensis super predictis centum sexaginta per eum ad solvendum emerserint, nostra ad corrigendum, interpretandum, declarandum quocienscumque nobis placuerit nobis reservamus. De quibus omnibus et singulis supradictis prefati domini videlicet pomucen(sis) et aule regie ac plassen(sis) abbates quilibet pro se petebat sibi unum seu plura confici publica instrumenta. In cuius rei testimonium et roborem predictum firmitatem huiusmodi presenti publico instrumento sigilla venerabilium virorum et dominorum videlicet Gerlaci pomucen(sis) superius nominati ac Hermanni aule regie abbatis sepius nominati ex certa ipsorum sciencia ac consensu sunt appensa. Acta sunt hec anno, die, indiccione, mense, hora, loco, pontificatu et imperio quibus supra, presentibus honorabilibus et discretis viris domino Conrado decano ecclesie Wyssegraden(sis), magistro Hermanno de Lommide, domino Iacobo pronotario, Ewrwino Michaele magistro civitatis in Nepomuk, Nicolao de Cressing et Iermoldo de Eralding clericis prothonotariis plassen(sis) et aliis pluribus testibus ad premissa specialiter vocatis et rogatis. Et ego Iohannes dictus Coyata quondam Iudicis de Gossing clericus pragen(sis) diocesis publicus auctoritate imperiali notarius predictis pronunciacioni, compromissi publicacioni et exhibicioni ac aliis omnibus et singulis supradictis dum sic fierent et agerentur una cum prenominatis testibus presens interfui eaque omnia et singula vidi et audivi et ea rogatus scribere manu propria scripsi et in hanc publicam formam redegi signoque meo et nomine consuetis signavi in robur et requisitus in testimonium omnium premissorum.