Nos Henricus de Lipa et Vlricus de Leuchtenburch tenore presencium notum facimus vniuersis quod pro fratre nostro
Remundo de Leuchtenburch sincera fide promittimus obligati quod religiosi viri domini abbas
totusque conuentus sancte ecclesie in Valle sancte Marie de nostro inuoluntario iusto possessionis titulo infra scriptas villas
ipsius Remundi videlicet Langendorf circa Belam et Hartuicdorf circa vallem beate Marie sitas a festo
kathedre beati petri proximo instanti infra vnius anni spacium libere sibi pro ducentis marcis obligatas
ita quod si eedem ville infra eundem annum quocumque casu contingente non fuerint absolute quod extunc ad
ipsos dominos tamquam sibi iusta vendicionis forma vendite hereditarie pertinebunt et ipse Remundus
nichilominus quatuor ydonei viri tam ex parte dominorum predictorum quam ex parte ipsius Remundi ad hoc electi
superaddendum dicto Remundo pro eisdem hereditatibus extimauerint debet stare contentus omni ipsius contra
diccione cessante. Promittimus quoque quod litere que pro vendicione dictarum villarum ad ipsum Remundum processerint
per ipsum quocumque nullam sortiri debent efficacie firmitatem. In cuius rei euidenciam presentes fieri et sigillorum
nostrorum iussimus munimine communiri. Datum Prage anno domini millesimo trecentesimo octauo in vigilia
beati petri apostoli kathedrati.