Wir ffrenczil quarcz Ebil Peymel Beral von pysk Sefroy Hann(u)s Munczer Schepfin in den Smyden dornach dy Schepfin in
dem preghaus Heynczma(n) Megul ffrancz hoffman Jatusch von pysk Bekenne(n) vnd tvn kvnt mit disem kegenwartige(n) prif allen den
dy nu sint adir hernach kvmftik werden das dy Ersam Geistlich Juncfraw Gaczsa Eptesin Anna piroryn Elka vnderprioryn
Anna kelnerin Dorothee Custoryn vnd der Erber Geistlich herre her Hann(u)s Gestil vnd auch probist vnd das gancze Conuent
des Closters Czu ffrauwental haben Recht vnd Redlich Eyn halbe Smyden auf vnsers herre(n) des kvinges Munczhoff auff
dem perge Czun kutthen an der Mautner Smyden vnd auch dyn ligt Recht vnd Redlich den vorbenaten Juncfrawen vnd
dem Egenanten herre(n) hy(r) Hannos(n) vnd auch dem ganczen Conuent des Closte(r) czu ffrauwental dy Egenate halbe Smyden
gelegin in der Mautner Smyden yn czu haben vnd czu besiczen Erblich vnd Ewiclich in allen den Rechten nucze vnd
genize Recht als eyn Jczlicher frvmer Werkmeister czu Rechte eyn halbe Smyden besiczen vnd haben schol in Czukvm
ftigen czeiten Auch mit sotteyner besunderlichen bescheidenheit so kvndige(n) wir Egenanten Schepfin in disem kegen=
wartige(n) prife ab das ymmer gesche das ymant hernach queme vnd brechte adir czeigte den alden vorhalden
prif der do vorlorn ist der do au~s~gelaut hat vber dy vorgenate halbe Smyden in der Mautner Smyden den man
auf geruffen hat czu dreyn maln vber laut czu kirchen vnd czu strassen in vir Steten Auf dem perge Czvn kutthe
Czvn Newen koln Czvn Gaslabe Czvm Deuczs(e)n brode vnd nymancz kome(n) ist in der czeit do man den selben
prif auf geruffen hat der den selben prif bracht adir geczeigt hette vnd dorvmme so schol der selbe egenate alde
vorhaldene prif furbas mer Ewiclichen keyne kraft noch macht nicht enhaben Sunder diser nuwe kegenwartige
prif schal haben alle kraft vnd macht als do vor geschirben stet an aller Leute ansproch vnd hindernisse ewi=
clichen wi dy benant seyn adir wer dy weren in Czukvmftigen Czeiten Czu Eym vrkunde vnde czu Eyner
Ewigen bestetigunge diser Sache hab wir vorgesprochen Schepfin vnser ~p~ Anhangende Sigel an dy=
sen prif gelert der do gegeben vnd geschriben ist Nach Cristi geburt Tausent dreihundert Jar vnd in
dem drew vnd Achtczigisten Jare An dem nesten Mantage vor vnser frawen tag der Lichtwei