Wir Elzbet eptissyn des munsters czu frawenental katherina priorin dorothea
underpriorin elzbet kelnerin anna kusterin barbara sengerin petrus probst
und der gancze conuent des munsters czu frawenental bekennen offenberlichen
fur allen dy disen brif sehen adr horen lezen daz wir mit wolbedachtem mute
recht und redlichen vorkauft haben und yn craft diz brifes vorkaufen eyn
achtteyl eyner huben akkers der do gelegen ist czu nechst hinder dem gerichte do
selbest czu frawenental dem ersamen man vayt richter czu frawenental czu syme
leybe und magdalenen seyner hawsfrawen und ~barbara~ ketturlun seyner tochter um drey
schok gr(oschen) dy wir von ym gereyt haben emphangen also daz der selbe vayt richter
czu frawenental und magdalena seyne hawsfraw und ~barbara~ ketturlun seyn tochter schol
len uns czinsen alle jar jorlichen von dem selben akker eynen gewonlichen czins mit
sampt den roboten und czinsspinczen alz ebes recht do czu frawenental ist von
eynem achttail akkers an alles widrieden czu unczlichen czeyten also lange alz sy leben
auch schol der obgenante vayt richter czu frawenental und magdalena seyne hawsfraw
und ~barbara~ ketturlun seyn tochter den selben obgenanten akker von dem closter nicht
empfremden sunder daz der selbe akker noch eymme toyde pey dem selben closter czu
frawenental pleybe ewicklichen des czu eynem geczeugnisse und eyner grossern
sicherheit haben wir obgenanten unser Inzigel mit des ganczen conuentes willen
an desen briff lassen an hengen Gegeben czu frawenental noch crists geburt virzcen
hundert jar dornoch in dem sibenczehenden jare den nechsten freitag noch sant
margarethen tag