Nos FERDINANDVS Dei gratia Hungarie Bohemie Dalmatie Croatie etc(etera) Rex Infans Hispaniarum Archidux Austrie Marchio Morauie Lucemburgen(sis)
et Slesie Dux ac Marchio Lusatie etc(etera) Notum facimus tenore presentium Vniuersis Quod Nobis humiliter extitit Supplicatum pro parte Religiosarum
Vrsule Abbatisse Margarethe Priorisse et Sanctimonialium Monasterij vallis sancte Marie prope Brodam Theutonicalem Cistertiensis ordinis Deuotaru(m) n(ost)raru(m)
dilectarum Vt de Benignitate Regia Omnia priuilegia Donationes concessiones Gratias Libertates exemptiones et immunitates Indulta ac Jura vniuersa ipsis et dicto
Monasterio earum a Predecessoribus nostris Feliuis memorie Bohemie Regibus alijsque Principibus et Christifidelibus data et concessa atq(ue) signanter priuilegium
D(omi)ni Ottakari et Wladislai Bohemie Regum Predecessorum nostrorum Charissimorum gratiose Jnnouare approbare ratificare et confirmare dignaremur. Nos
itaq(ue) qui pie Supplicantium vota benigna semper aure admittimus, Justis huiusmodi peticionibus fauorabiliter duximus annuendum Jgitur non per Errorem
aut improuide Sed animo deliberato procerum nostrorum ad hoc accedente Consilio de certa scientia nostra aucte Regia omnia et singula priuilegia Donationes conces=
siones Gratias libertates exemptiones immunitates Indulta ac Jura vniuersa ipsis et earum monasterio (sic ut premittitur) data et concessa, Quemadmodum rite
processerunt in omnibus eorum punctis clausulis articulis et sentencijs, ac si ipsorum tenores de uerbo ad uerbum presentibus inserti existerent Jnnouamus approbam(us)
ratificamus et vigore presentium gratiose confirmamus Volentes et decernentes omnia et singula in eisdem contenta robur firmitatis plenissimu(m) perpetuis
inuiolabiliter obtinere, Mandamus igitur omnibus subditis nostris quacunq(ue) potestate Dignitate officio fungentibus, seu cuiusuis status aut Conditionis existant
vt predictas Sanctimoniales et Monasterium earum contra predicta priuilegia et Jura nullo modo molestent turbent aut impediant Quin potius ipsas protegant et
tueantur nec Contrarium faciant, aut facere attemptent, Prout indignationem nostram grauissimam uoluerint arctius euitare Jn quorum omnium fidem et robur plenissi=
mum presentes l(itte)ras fieri et Sigilli nostri appensione iussimus communiri, Dat(um) in castro Pragensi Sabbatho post festum Sancti Bartholomei Anno Domini Millesimo