Nos Nycolaus Wolflini de Egra Judex et Pyllungus Conradus de Luthomicz Martinus de
Egra Meinhardus Wolframi Conradus Junosij Heinricus Theodrici Nycolaus Albus Heinric(us)
de Chust Geislinus de Piestka Nycolaus Cotiuus Johlinus Jacobi Nycolaus frater Bohuzlay
Wolflinus de Posenpach et Wenczesslaus Alberti Jurati Ciues Ciuitatis Pragen(sis) Recognoscim(us)
tenore presencium et eciam protestamur Quod honorabiles viri fratres Petrus Abbas et Conuentus
Monast(er)ij Aule Regie que Brazlauia wlgarit(er) nominatur vendiderunt sponte sua et successor(um)
suor(um) nomine ac resignauerunt in publico Judicio coram nob(is) domum suam cum area et aliis per
nenciis ad ipsam domum et aream spectantib(us) sitam inter domos orphanor(um) Pegrini quondam pannicide
et Ludouici Cutellatoris in ipsa Ciuitate Pragen(si) Nycolao pistori ementi et recipienti pro quadam
summa pecunie ipsis Abbati et Conuentui iam pro arra data per eundem Nycolaum iure here
ditario inperpetuum sub census onere possidendam Ita videlicet quod idem Nycolaus heredes et successores
sui Marcam cum dimidia sexaginta quatuor denarios grossos Pragen(ses) pro ipsa Marca de ipsa do
mo et area censum singulis annis perpetuo ipsis Abbati et Conuentui et successorib(us) eor(um) soluere
et dare debeant in omnem euentum medietatem ipsius census in festo s(an)c(t)i Galli et aliam medie
tatem in festo s(an)c(t)i Georgij contradicc(i)o(n)e qualibet procul mota Insuper ipse Nycol(aus) heredes et suc
cessores sui Collectas et alia iura Ciuitatis Pragen(sis) de ipsa domo et area et censu annuo pre
dicto soluere et facere promiserunt Visum est eciam quod si domus ipsa concremabitur ipse Nyco
laus vel heredes aut successores sui aliam domum infra vnius anni spacium continuum post
concremacionem reedificare tenebunt(ur) censum debitum medio tempore persoluendo quod si non face
rent extunc vno anno elapso area domus eiusdem ad Abbatem et Monasterium predictum libere
deuolui debet talit(er) quod Abbas et Conuentus Monast(er)ij predicti de ipsa et cum ipsa area facere poterunt
de cetero quicquid eis videbitur expedire In cuius rei perpetuam memoriam presentes litteras sigil
lo Ciuium Pragen(sium) et Ciuitatis Pragen(sis) predicte fecimus roborari Datum Prage xvij kalen
das Junij Anno domini Millesimo Trecentesimo Vigesimo octauo : - : - : -