Wir Ludwyg von gots genaden zu hungern Behem Dalmacien Croacien (et)c(etera) kunig Marggraue zu Merhern Herczog zu Lucemburg vnd in Slesienn
vnd Marggraue zu Lausicz (et)c(etera) Bekennen vnd thun kundt mit disem briew allen den die jhn sehen ader horen lesen Das fur vnns commen ist vnser lieben
getrewen des Burgermeisters Rathmannen vnd Burger gemeinlich vnser Stat Luban Erbar botschafft vnd haben vnns demutiglichen gebetenn
das wir denselbigen Rathmannen vnd burgern gemeinlich vnd der Stat Luban alle vnd jegliche jre freyheit genade Rechte lehennbriewe handuesten
Straffe Zolle vnd guete gewonhait das dorff Bederdorff mit dem hoffe forwerg vnd aller seiner zugehorunge die gerichte vnd dorfer ahn gelt vnd
getreide czinsen vnd mit jren dorffern Nemlich Wensigndorff Hausdorff Slesdorff Begersdorff Newndorff Lehenn Thimendorff Lisehdorf
die dysse halben der Qweisse gelegen Hennissdorff Schondorff Scomiczaw dann so spiczinaw Bosdorff walde Lachenwasser vischnaw Schrat
tersdorff gennersdorff gersersdorff Linczendorff mit jaget vischereyen vnd andern jren zugehorungen wie die Vatter der Saltzmargkt der fur
vischen genossen vnd von kauffen dorff den kretzern vnd lenczen zu lehenn vnd Marggrauen zu Lausicz Nemlichen von dem allerdurchleuchtigisten
fursten vnsern tail(en) konig Wenczlaw Sigismunden Alberto Ladislao Georgio Mathia vnd Wladislao vnserm geliebten herrn vnd Vatter aller
loblicher vnd seliger gedechtnus Redlichen erworben vnd herbracht haben zuuornewen zubestetigen zubefestigen vnd zu Confirmiren genediglichen
geruchten der halben wir angesehen der vorgenanten Stat Luban redliche vnd vleissige bethe vnd auch betrachten getrewe willige vnd anneh
me dienste die sie vnns vnd der Cron zu Behem offt vnd dicke nutzlich vnd willig erzeigt vnd gethan haben vnd vnns vnd derselben Cron thun
sollen vnd mugen In zukunfftig zeiten vnd haben darumb mit wolbedachtem muthe gutem Rathe vnd rechter wissen den vorgenanten Rathmannen
vnd Burgern gemeinlich vnd der Stat Luban alle vnd jegliche jre freyhaidt Gnade Rechte lehen gerichte brieffe Straffe Zolle priuilegia handues
ten vnd gute gewonhait mit sampt den benanten dorffern gerichten kretzmern dorffern jagt vischereyen thun dem clarn vnd den Saltzmargkt
die sie von konigen vnd fursten zu Behem vnd andern fursten vnsern vorfarn vatter gedechtnus erworben vnd redlich herbracht haben die In
das vnsere geliebter herr vnd vatter konig Wladislaus milder vnd seliger gedechtnus bestetet vnd Confirmiret hatt In allen jren puncten formen
vnd bedentungen (welche die von worte zu worte Innehen vnd begreiffen) fur vns genediglich vornewet bestetiget Confirmiret vnd In summa darinne
er bestetenen bestetigen vnd Confirmiren In dis auch von koniglicher macht vnd als Marggraff zu Lausicz in Crafft dis briefs in aller der massen als
ob sie alle vnd je jegliche besundern von worte zu worte in disem vnserm briefe begriffen vnd geschrieben weren Jedoch das sie vnns von sulcher lehen
wegen gewonliche dienste zuthuen pflichtig sein sollen vnd wir in lehen vnd welle von derselben koniglichen macht vnd als Marggraff zu Lausicz
das die vorgenanten stat Luban vnd jre nachkommen furderiglichen bey jren vorgenanten Rechten vnd herkommen bleiben sollen von allermennig
lich vngehindert Vnd wir Gebieten demnach vnsern hawptleuten vnd Amptlewten in Slesien vnd Lausicz die jczundt sein ader zu zeiten
sein werden vnd sunst allen vnd jeglichen andern vnsern vnd der konigreiche zu Behem vnderthan vnd getrewen ernstlich vnd vhestiglich mit die
sem briefe das sie die vigenanten von Luban bey sulchen jren freyheiten genaden Rechten lehen gerichten dorfen Priuilegien handuesten vnd
gueten gewonhaiten die sie bissher Redlichen gebraucht vnd herbracht haben bleiben lassen vnd sie doran nicht hindern noch jrren in kainerweisse
Als lieb jhn sey vnsere swere vngenad zuuermeiden Mit vrkundt dis briefs versigelt mit vnserm koniglichen anhangenden Insigel Geben
uff vnserm slosse zu Prag am dinstag nach Oculi in der vasten Nach Cristi gepurt Tausent funffhundert vnd dreyvndzwaintzigisten
(Vnser Reiche des hungerischen (et)c(etera) Im Sibenenden Jaren)
Ad Relacion(em) Illustris Principis Dom(ini) Dom(ini) Caroli Ducis
Monsterbergen(sis) Capitanei Supremi Regie M(aiesta)tis Regni Boemie
atq(ue) aduocati Superioris Lusacie