Wenceslaus Dei gratia Romanorum Rex semper Augustus, et Boemiae
Rex. Notum facimus tenore praesentium uniuersis.
Quod famoso Conrado de Slesin pincerne familiari fideli nostro
dilecto, ratione ueri et legitimi debiti in Quadringentis Se=
xagenis Grossoru(m) dignoscimur debitorie obligari uolentes q(uod) ipsum de
huius debito rectum reddere et contentum, non per errorem aut improui=
de sed animo deliberato, sano quoque nobilium procerum et fidelium no=
strorum dilectorum, accedenti consilio, et ex certa nostra scientia, sibi
et haeredibus suis Castrum nostrum Nysburk cum Villis Stradolomicze
et Plukouicze ac Omayio Chdiuzena dicto cum censibus et utilita=
tibus praedictarum Villarum uniuersis nec non siluis ibidem adiacen=
tibus, tantum pro utilitate aedificiorum suorum et necessitate combu=
rendi cum fluminibus fluuiis, Aucupationibus pratis, piscinis
molendinis, prouentibus, utilitatibus, et pertinentijs uniuersis et signanter
cum uenationibus in omnibus siluis nostris Regalibus ad Castrum
Hradek pertinentibus, pro praefatis quadringentis sexagenorum
Grossorum obligauimus et impignorauimus, et authoritate Regia
Boemiae obligamus, et impignoramus praesentium per tenorem uolen=
tes, ut ipse conradus et haeres sui praefatum castrum cum pertinentijs suis
ut praemittitur, tam diu habere, uti, frui, et tenere debeant quousq(ue) nos
aut haeres et successores nostri Reges Boemiae illud pro praescriptis
quadringentis Sexagenorum Grossorum exoluerim(us), pecunia in parata
aut ipsis satisfecerimus pro eisdem, Insuper praefato Conrado et haeredibus
suis, Triginta duas Sexagenorum Grossorum Census annui in Oppido
nostro Huchost impignorauimus et proscripsimus, et ad praedictum
Castrum Nysmburk impignoramus et proscribimus per praesentes quas
Burgrauius noster Castri Hradek tollendo debet sibi singulis annis dare et
persoluere integraliter et ad plenum. Mandamus igitur Burgrauio dicti
Castri Hradek qui pro nunc est, uel pro tempore fuerit, firmiter et districte
Et nus antedictas Triginta duas Sexag(enarum) annuatim in terminis suis