Wir Wenczlaw von gotes gnaden Romischer kunig zu allen czeiten merer des Reichs vnd kunig zu Beheim. Entbieten
den Ersamen vnd Geystlichen probste Eptessin vnd Conuente vnsers closters zu doxan vnsern liben Andechtigen vnser gnade
vnd alles gut. Ersamen liben Andechtigen. Wir haben dem Edeln Vlrichen hasen von hasenburg vnserm kuchenmeister Rate
vnd liben getrewen hundert Schok grosschen prager mwncze vff vnsern Sumen kunigliches Bernes die ir vns jerlich
in vnse kunigliche Camer zugeben pflichtig seyt verschriben. Also das er sein Erben vnd nachkom dieselben hundert
Schok grosschen anzuheben vff sand Jorgen tage schirst komende halb vnd das andr halbe teil vff sand mertens
tage nehst dornach folgend vnd furbasmer alle jar vff dieselben tege von euch vpheben eynnemem vnd entpfahen
sollen als lange bis das wir jn Tausent Schok grosschen prager mwncze genczlich vnd gare gericht vnd bezalet haben
als das alles vnse kunigliche maiestat briue die sie von vns doruber haben eygentlichen ynnehalden vnd wol vsweysen.
vnd dorumb so gebieten wir euch ernstlich vnd besticlich mit dysem briue das ir dem egen Vlrichen seinen Erben vnd
nachkom die egen hundert Schok grosschen prager mwncze alle jare vff die egen tege nach lawte vnd sage der egen
vnser maiestat briue die sie von vns doruber haben richtet vnd bezalet als lange bis das sie der egen Tausent
Schok grosschen prager mwncze von vns vnd vnsern nachkom kunigen zu Beheim genczlich vnd gare gerichtet vnd be
czalet sind. Wann als ofte ir das getan habt als ofte sagen Wir euch vnd ewrm Conuent der egen hundert Schok gross
prager mwncze an den egen Sumen vnser kunigliches Bernes fur vns vnd vnse nachkom kunige zu Beheim vnd
sust alle vnse Amptlewte mit wolbedachtem mute vnd rechter wissen in craft dicz briues genczlich vnd gare qwytt
frey ledig vnd lozer. Mit vrkunt dicz briues vsigel mit vnser kuniglichen Maiestat jnsigel. Geben zu prage nach
Crists geburt virczehenhundert jar vnd dornach in dem dreyczehenden jare des nehsten donrstags vor pfingsten
vnser Reiche des Behemischen in dem funfczigsten vnd des Romischen in dem Sybenvnddreyffigsten jarn.

Per d(ominum) conrad(um) ep(iscopu)m olom(ucensem)
Johannes de Bamb(er)g