Wir Sygmund von gotes gnaden Romischer kunig zu allen zeiten Merer des Reichs und zu Hungern
Behem Dalmacien Croacien (et)c(etera) kunig Bekennen und tun kunt offenbar mit disem brieff allen den die
In sehen oder horen lesen Als der wolgeborn heynrich Burggraff zu Meissen und her zu Plawen unser
lieber getruer dem edeln leckmger her zu Wartenberg und von Tawnnheym ouch unserm lieben getruen
das Sloß und herschafft zu Begard mit allen herlikeiten und zugehorungen in pfandweise umbgegeben und
versetzt hat nach laut der brieff daruber gegeben Alß hat uns der egen(ant) leckmger gebeten das Wir als ein kunig
zu Behem und oberster her aller lehen und auch herschafft diser kron unsern willen drzu zugeben gnediglich
geruchten das Wir alß durch semer dinst willen gnediglich getan haben und geben zu solicher verschreibung
unsern kuniglichen willen und gunst mit craft diß briefs in aller masse als die brieff zwischen In gemacht
clerlicher ußweisen Mit urkund diß briefs versigelt mit unserm kuniglichen Anhangendem Insigel Geben
Zu krown Nach Crists gepurd vierzehenhundert Jar und dornach in dem Achtundzwentzigisten Jaren
an Sant Erharts tag Unserer Reiche des hungrischen (et)c(etera) Im einundviertzigisten des Romischen Im Achtze
henden Und des Behemischen Im Achten Jaren

Ad mandatum domini Regis
Caspar Slik