WIr SIgmund von gotes gnaden Romischer keiser zu allen zeiten Merer des Reichs vnd zu Hungern zu Behem Dalmacien Croacien (etc) kunig.
Bekennen vnd tun kunt offenbar mit disem brieff allen die In sehen oder horen lesen Wie wol wir von angebormer gute allzeit geneygt sein aller vnser vndertan vnd getreuen nutz vnd fromen
zu schaffen So sey wir doch mer pflichtig der Ee vnd bestes fur zuwenden die sich in der heiligen Cristenheit vnd vnsern dinsten mit aller bestendikeit vnuerdrossenlich dargelegt vnd beweiset
haben Vnd als wir vormals dem Edeln Puothen von Czastolowitz vnserm lieben getreuen vnser lannd vnd furstentum zu Munsterberg das noch tod vnsers lieben Oheims hertzog
hannsen von Munsterberg an vns als einen kunig von Behem ledlich gefallen ist vmb sechs tausend Schok Behemischer grossen versetzt vnd verpfendet haben nach laut vnser a(n)dre
stat brieff doruber gegeben Also haben wir angesehen das dasselb lannd das dormals vast verkumert vnd zertrennet vnd ouch von den ketzern verderblich beschedigt ist vnd on einen
herren der da gegenuertig sey vnd dasselb lannd versehen mag nicht wol mag verueset werden Also haben wir vnser gemuet an den egenan(n)t puothen gewendet Vnd In fur vns ge
nomen nach dem vnd er redlikeit biderkeit vnd vernufft solich lannd zuuerwesen genuglich an Im hat sunderlich angesehen sein getrue vnd willige dinst vnd vnuerruckte vestikeit damit
er sich in der heiligen Cristenheit vnd vnsern dinsten langzeit beweiset vnd doran weder leib noch gut gesparet hat teglich tut vnd wol tun mag Vnd dorumb mit wolbedachtem mute
gutem Rate vnser vnd der Cron zu behem fursten herren vnd andere fromer leut vnser Eer vnd getreuen vnd mit rehter wissen So haben wir dem egenan(n)t puothen vnd seinen elichen
erben das vorgenant lannd vnd furstentum die als vor begriffen ist an vns ledlich gefallen ist mit allen vnd yeglichen herlikeiten Slossen Steten leuten chanstchefften geistlichen vnd
weyntlichen lehen vnd sunderlich ouch das Gotzhusz heunichow wie das die fursten vnd herren von Munsterberg sine vorfaren gehabt haben Muntzen gerichten dorffern Eckern wisen
velden Teychen Mulen vogteien wasser vischereien wildbennen gejeyden vogelweiden Renten nutzen zinsen fellen vnd allen andern zugehorungen nichts vszgenomen wie man das mit sun
derlichen worten benennen mag gnediglich gegeben gereichet vnd gelihen geben reichen vnd verleihen Im die ouch von kuniglicher macht zu behem in crafft disz briefs Also das der vorgenant
Puotha vnd sein erben das egenant lannd vnd furstentum zu ewigen zeiten erblich ynnehaben des gebrauchen vnd geniessen vnd das von der Cron erkennen sollen in aller masz als das
der obgenant hertzog hanns seliger sein nechster vorfaren des gebrauchet hat vnd es von alters mit allen sachen herkomen ist von vns vnd allen vnsern nachkomen vnd sust allermeni
glich vngehindert Vnd wir gebieten dorumb allen vnd yglichen des egenan(n)t lannds zu Munsterberg mannen Rittern knechten Steten Merkten dorffern vnd allen vnd yeglichen
desselben lannds vndertanen das Sy dn egenan(n)t puothen vnd sein erben zu Iren erbherren vffnemen In geloben gehorsam vnd gewertig sein vnd In dienen vnd tun was Sy andern
herren zu Munsterberg vormals getan haben von Recht oder gewonheit Als lieb Ir yeglichem sey vnser vnd vnser nachkomen swere vngnad zuuermeiden Doch behalden wir vns als
einem kunig zu Behem die liehung aller korherren pfrund vff dem Stifft zum heiligen Creutz zu breslaw der wir selber gebrauchen wollen Wir haben ouch dem egenan(n)t puothen
dorzu verwilligt vnd ist auch also zwischen vns beredt worden Wer sache das er on Sone abgienge das dann wir ader vnser nachkomen kunige zu Behem den oder die der oder die disen
brief mit des egenan(n)t pothen guten willen ynnehaben werden von demselben lannd nit absetzen sollen nach Sy des entsetzen wir haben In dann zuuoran Sechs tausend Schok bezalet vnd
vsgericht Als dann so sollen Sy vns vnd vnsern nachkomen des lands lediglich abtreten an Irrung vnd einiche(n)ley vordrung oder anspruch seiner tochter oder ander von sinen wegen vnd
sust von meniglich vngeirret Mit vrkund disz briefs versigelt mit vnserer keyserlichen Maiestat Insigel Geben zu Regenspurg Nach Crists gepurd vierzehenhundert Iar vnd dor
nach Im vierunddreissigisten Iare Am donerstag nach sant Michaels tag des Erczengels Vnser Reiche des hungerischen (etc) Im Acht vnd virtzigisten des Romischen Im funff
vndzweintzigisten des Behemischen Im funffzehenden Vnd des keisertumbs Im Andern Iaren