Wir Sigmund von gotes gnaden Romischer keiser zuallenziten Merer des Reichs vnd zu Hungern zu Behem Dalmacien Croatien (et)c(etera) kunig Bekennen fur vns
vnd vnser nachkomen kunig zu Behem mit disem brief allen den die In sehen oder horen lesen Das vns der Edel Caspar Sligk Burggraff zu Eger vnd zum Elpogen vnser Canczler vnd
getruer Tausent Schok Behemischer grosschen prager munge gelihen vnd ausbracht hat damit wir vns vnd vnser gesind als wir gen Romme ziehen wolten in vnser kamgut gen hung(er)n
loseten vnd vsbrachten vnd dorumb den egenan(ten) Caspar des vnschedlich zuhalten So haben wir Im vnd seinen erben vnd nachkomen die egenan(ten) Sum tausent Schock grosschen vff
vnser slos vnd herschafft zum Elbogen mit allen Iren aygenschafften herlicheiten rechten vnd zugehorungen gestatgen zu der Sum die wir In vormals doruff verschriben haben nach
laut vnser brief doruber gegeben die in allen Iren punten krefftig bleiben sollen Vnd wann wir ouch vff vnserm Slosse zum Elbogen offtmals gewesen sein vnd haben gesehen das an vil
enden vast zustoret vnd pawfellig ist das vns dann missallen hat nach dem vnd dasselb slos der kuniglichen wonung eine ist Darumb so haben wir dem egenan(ten) Casparn befolhen
vnd geben Im gewalt von kuniglicher macht zu Behem das er dasselb slos nach notdurfft vnd nach seinem versteen pawe das es in ere ere vnd hofe vsrichte vnd mach die vnsern
Slos nucz sein mogen vnd was er also doruff leget oder sein erben das stahen wir In ouch in krafft dis briefs vnd kuniglicher macht zu Behem vff das egenan(ten) slos vnd die herschafft mit
Ir zugehorung vnd wir vnd vnser nachkomen sollen die von In nicht nemen noch entwenden in dheineweis wir haben die obgenan(ten) Sum geldes vnd was sy dorzu verpawet haben oder ver
pawen wurden gancz vnd gar bezalt mitsampt der Sum die sy vormals doruff haben doch so sol der egen(ant) Caspar dasselb slos vnd herschafft ynnehaben vnd dauon nit geloset werden
die weil er lebt sunder dabey bleiben vnd nach seinem tod sol vns vnd vnsern nachkomen die losung gestatt werden nach laut Ir brief Vnd ob der egen(ant) Caspar oder sein erben das egen(ant)
slos vnd herschafft oder ein teil dauon verluren krieghalb oder In sust abhendig wurde wie das dargekeme So got vor sey so sollen wir vnd vnser nachkomen dem egen(ant) Caspar oder seinen erben
Ir gelt das sy doruff haben in Iares frist dornach bezalen oder In ein so gut herschafft doran In genuge dafur wider eingeben on alles widerreden Vnd als der egenan(ten) Caspar das slos Engelspurg
woolt abgeworfen haben das es Im zuswer zuhalten was als er meint Also hat vns nucz beducht dem ganczen land zugut das man das nit breche das das von andern leutten als vor nit beseczt
werde Vnd derworten das er vnd sein erben das desterpas gehalden mogen So geben wir In in krafft dis briefs dorzu zusteuer vnd hilff Iar Iar hundert hungrisch gulden also das er das vbrig
selber besorge vnd die sollen angeen von datum dis briefs vnd alle Iar vff dieselb zeit genomen werden vnd alslang sy dasselb slos ynnehaben vnd nit puchen dvil Sume sol
sterlich den egenan(ten) Caspar vnd seinen erben zustan vnd wir stahen In das ouch vff den Elpogen vnd sein zugehorung das In dann das mitsampt der houptsum sol bezalt werden on alle
weigerung Vnd wer disen brieff mit des egenan(ten) Caspars guten willen ynnehat der sol alle dise stuke haben als er selber anit dis briefs besigelt mit vnser keiserlichen maiestat
Insigel Geben zu prag Nach Crist gepurd virczehenhundert Iar vnd dornach in dem Sibenunddreissigste Iare An allerheiligen tag Vnser Reiche des hungrischen Im einundfunff
czigsten des Romischen Im Achtundzwenczigsten des Behemischen Im Achtzehenden vnd des keisertumbs Im funfften Iaren