Wir Lasslaw von gotes gnaden zu Hungern zu Behem, Dalmacien, Croacien (etc.) kunig, Herczog zu Osterreich vnd zu Luczemburg, Marggraue zu Merhern
vnd zu Lussitz (etc.) Bekennen vnd tun kunt allermeniclich mit disem briue, Wann wir aller vnd iglicher vnser vndertanen vnd getrewen nutz vnd bestis gern vorwenden
vnd sy gern begnaden, darmit sie seliclich zunemen an eren vnd wesen vnd vns desterbas gedienen mugen, wann nu fur vns komen ist der Burgermaister, Rate vnd die gantz
gemeine vnser Statt Budissin vnser lieben getrewen erbar bottschafft vnd haben vns als ein kunig zu Behem gewonlich huldung, gelobd vnd eyd getan vnd vns darauf de
muticlich gebeten, daz wir derselben Statt Budissin alle vnd iglich ir freiheit, gnad, recht, gerichte, zolle, briue, hanntuesten vnd gut gewonheit, der sie bissher genossen haben
vnd die sy von loblicher gedechtnuss den Marggrauen von Bramdemburg vnd vnsern vorfarn kunig Johansen vnd Wentzlawen, kunigen zu Behem, kayser Karolen vnd keyser
Sigmunden, vnsern lieben Anherren vnd En, kunigen zu Behem vnd andern fursten vnd herren redlich herbracht haben, zuuernewen, zubefestigen vnd zu confirmirn gne
diclich geruchten. Des haben wir angesehen soliche demutige vnd fleissige bete vnd auch betracht stete vnd getrewe willig dinste, die die vorgenanten von Budissin vor dem
vnsern fordern, kunigen zu Behem, offt getreulichen vnd kostenlich getan haben vnd vns furbass tun sollen vnd mogen in kunnfftigen zeiten, Vnd haben darumb mit wolbedachtem
mut, gutem rate vnser fursten, edeln vnd getrewen vnd rechter wissen der vorgenanten Burgermaister, rate vnd burgern gemeinlich der Statt zu Budissin vnd iren nachkomen alle
vnd iglich ir freiheit, gnad, recht, gerichte, zolle, hanntuesten, gut gewonheit vnd alt herkomen, der sie bissher genossen haben vnd die ire vordern vnd Sye von vnnsern vorfarn se
liger gedechtnuss, kunig Johansen, kayser Karl, kunig Wentzlawen, keyser Sigmunden vnd andern fursten vnd herren, iren fordern, redlichen herbracht haben in allen iren puncten, ar
tikeln vnd meynungen, als die von worte zu worte luten vnd begriffen sind, gnediclich vernewet, beuestnet, bestetiget vnd confirmirt, uernewen, beuesten, bestetigen vnd confirmirn
In die auch von Behemischer kunigclicher macht in krafft diss briues in aller der masse vnd weise, als ap sie alle vnd igliche besunder von wort zu wortt in disem vnserm briue begriffn
vnd geschriben weren, vnd meynen vnd wollen von derselben kunigklichen macht, daz die vorgenanten von Budissin vnd ir nachkomen furbassmer darbey bleiben sollen von allerme
niclich vngehindert, wir besteten vnd confirmirn auch In alle ire lehen vnd lehenbriue, die die egenanten vnser burger zu Budissin in der gemeine oder in sunderheit yetzunt von
vnsern vofarn oder vnsern Amptluten haben vnd besitzen, doch vnschedlich vns vnd vnser Cron zu Behem an vnserm dinsten vnd sust meintlich an seinem rechten. Were auch sach,
ap uilleicht ettliche stuck irer freiheit in der vorgangen zeit der kriege nicht so stet vnd veste nach laute vnd aussweisung ir freiheit gehalten worden weren, sunder ettlich von gwalt,
gunnst, versehung oder versawmnisshalben verbrochen weren, darmit In yemands vrsach nemen wolte, Sy darumb anzullamngen oder zubekommern vnd ire priuilegia, freiheit,
briue, hanntuesten, zolle, gerichte, rechte, gut gewonheit vnd alite herkomen darmit niderducken vnd zuswechen, wollen wir, das solichs alles den obgenanten von Budissin kainen
schaden bringen sol. Vnd wir gebieten darumb allen vnsern Hauptleuten, Voyten, Amptleuten vnd andern vnsern vndertanen vnd getrewen des kunigreichs zu Behem ernstlich vnd
vesticlich mit disem briue, das sy die vorgenanten von Budissin furbass bey solichen iren freiheiten, gnaden, rechten, gerichten, zollen, briuen, hanntuesten, lehen vnd guten gewonhei
ten, der sie bissher redlich gebraucht, besessen vnd herbracht haben, bleiben lassen vnd sie daran nicht hyndern noch irren in kheinweise, sunder sie darbey hannthaben, beschutzen
vnd beschirmen, als lieb in sey vnser swer vngnad zuuermeiden. Mit vrkunt diss briues, versigelt mit vnserm kunigclichen maiestat Insigel. Geben zu Prag am dornstag
nach Sant Mertins tag, Nach Crists geburt Vierzechenhundert vnd im Sibenundfunfftzigisten Jar, Vnser Reich des Hungrischen (etc.) im Achtzechenten Vnd des Beh
mischen im funfften Jarn.