Wir Rudolff der ander von Gottes gnaden Erwelter Römischer
Kayser, Zu allen zeitten, merer des Reichs, In Germanien, Zu Hungarn, Behaimb, Dalmatien, Croatien unnd Sclauonien etc. Künig, Ertzhertzog Zu Osterreich, Marggraff in Mährern, Hertzog Zu Lu=
gemburg unnd In Schlesien, Marggraff in Laußnitz etc. Fügen den Erwürdigen, Wolgebornen, Edlen, Gestrengen, Eruesten, Erbarn, unnd Fürsichtigen, Unnserm lieben
Getrewen, Landeshauptman, unnd den Verordneten, Herren, Rittern unnd Mannschafft, unnd den Stenden des Marggraffthumbs Niderlaußitz hiemit gnediglich Zu wissen,
Nachdem wir aus sonderen bedencklichen Ursachen, unnd fürnemblich wegen verhüttung schedlichen underkauffs, unnd Contrabant, so wegen der mit Wachten, an etzlichen ver=
zollung der Wagen, so durch gedacht unser Marggraffthumb Niderlaußitz, durch die Eerbarn Handels unnd Fuhreleut gefüert, etwas gehindert werden mochte, Die anordnung
gethan, das allweg die Wagen an den Zoll stetten besichtiget werden sollen, Unnd aber solches unnsere gehorsambe Leut, unnd Stende unnsers Marggraffthumbs Zu
sonderheitlichen mahlen beschwert befunden, das solche umbwerffung den Wahren, nit allain den Bürgern, unnd handtwercks leutten, auch in gemain allen Inwohnern, Zu grossem
schaden, sondern auch an unnserm Zoll gefellen nachtheillig, Weil die Fuhreleut anndere strassen suchen, unnd unser Marggraffthumb gar umbfahren, unnd da sie Landtstrassen
meiden theten, Deswegen unnderthenigist angelangt unnd gebetten, das wir solche umbwerffung gnediglich einstellen, unnd hinfüro bey dem Zoll,
als von Wagen, des ain halben Taller nemben lassen wolten, Das wir demnach solch Ir unnderthenigist bit gnediglich bewilligt, sollichs unndern fürgeben, Er den
Januarij nechstkünfftiges Neunundachtzigisten Jars, die handlung unnd ausweichlichen Wege, als ein vollen Zolle, In, das nemblich ein obberürter Fuhrman, so auß
Polen, Preussen, Reussen, der Marck Brandenburg, unnd annderen Orten nach Leiptzig, Nüremberg, unnd Franckfurt durch unser Marggraffthumb Niderlaußitz mit sein
Gewere, Wie umb das den Namen haben mag, fahren würde, von ainen Wagen, des allweg ain halben Taller Zoll, alß Nemblich ain halben Taller In herein, unnd ain halben Taller
In wider hinauß reisen, Zu erlegen schuldig unnd verpflichtt sein solle. Unnd gepietten darauff unnserm Landt Vogt, Verwalter der Landtshauptmanschafft
Verordneten, Zollereuttern, unnd Zoll Einembern, unnsers Marggraffthumbs Niderlaußitz, mit Ernst unnd Wollen, Das sie dieser unnserer gnedigen Ver=
willigung unweigerlich nachkhomen, Unnd die entliche verordnung thuen, damit hierüber niemandt wider die billigkhait beschwert werde, Daran vol=
bringen sy unnsere gnedige unnd entliche gefellige willen unnd mainung. Geben auf unnserm Khüniglichen Schloß Prag den Fünffundzwaintzigisten
Decembris Anno Fünffzehenhundert unnd Achtzigisten, Unnserer Reiche, des Römischen Im Viertzehenden, des Hungarischen Im Sibentzehenden, unnd des Behaimischen Auch im Viertzehenden.
Rudolff