Wir Georg von gottes gnaden, K(on)ig zwo
Behemen, vnnd Marggraff zu Mahren, der Schlesien vnd
Lutzenburgkh, Hertzog vnd Marggraff zu Lussitz, Bekhennen
vnd thuen khundt offentlich mit disem brieff, Allen den
die jn sehen, horen od(er) lesen, dz furkhumen jst der Edle
vnser lieber getreuer Wentzesch von Thonin gesessen zum
Bressenstain, vnd hat vns diemutigclich gebette(n) dz wir jme
vnd seinen erben, dz schloß Bressenstain, dz zerbrochen
schloß Rognim(er)t Falkhenbergkh, dz zerbrochen schloß vnnd
veste Radenbritzz, mit allen jren Rechten Herligkhaitt zu vnd
eingehorung gar nichts außgeschlossen, die dan von vns vnd
der Cron zu Behemen zu lehen her ruren, zuuerleih(en), vnd
auch alle vnd itzliche sein gnadt, freyheit, recht, brieff, priuile:
gia, handtfestung, die er dan von vnseren Vorfarn K(on)ig
zu Behemen erworben hatt, vnd an jn khomen sundt zu:
uernouern, zubefesten, zubestetigen vnd zu Confirmiren
genedigclichen geruogten, des haben wir angesehen, des
obgenanten Wentzesch, demutige bethe, vnnd getreue dienste
die er vnseren vorfaren K(on)igen zu Behemen offt
williglichen gethuen hat, vnnd furbast mehr woll thuen solt
vnnd mag zu künfftigen zeitten, vnd haben darumb mit
wolbedachtem muthe, guettem Rathe vnd Rechten wyssen
demselben Wentzeschen von Thonin vnd seinen erben, die
obberuolten Schlosser vesten vnd guetter mit allen vnd
Jetzlichen jren Rechten vnd Herligkhaitten, zu vnd eingeho: