Wir Burgermeister, Rath vnnd gantze Gemeinde der Kay(serlichen) vnnd König(lichen) freyen BergkStadt Schlaggenwaldt, für vnß vnnd vnsere nachkomben, hiemit vnnd in krafft diß
Brieffs offentlich bekennen, vnd thuen kundt Jedermenniglich, Daß wir wahrer wißentlicher schuldt schuldig
worden sein, auch hiedurch vns geern bezahlet, alles vnd wolles, dem Ehrnuesten vnnd Achtbarn Herrn Adam
Crügßedern dem Eltern, vnsern Mitteltverwandten, nemblichs Zwölffhundert schockh Meißnisch, Jedes derselben
Zu 60 kr. gerechnet, die wir auch von ihme empfangen vnd zu vnsers vnd gemeiner Stadt nutz angewandt haben,
derowegen wir Ihne, seine Erben vnnd Erbnehmere oder wem Quittirns benöthigt, cum renunciatione Exceptio
nis non numeratae pecuniae, quitt, ledig vnnd loß zehlen. Versprechen hierauff für vnß vnd vnsere Nachkom
men vnd gantze Gemein, dz wir nicht alleine solche Zwölffhundert schockh Jährlich mit Zwey vnd Siebentzig schocken
gleicher wehrung verzinsen vnd jedesmal die Zinß von halben zu halben Jahren daruon richtig lieffern, sondern auch wann
vnß die Hauptsumma selbst ein halbes Jahr Zuuor auffgesagt würdet, hie wird zu danck an güter vnd vnuerbeß
gangbarer müntz erstatten vnd bezahlen wollen. Darwieder vnß vnsere Nachkomen auch gantze Gemein nichts
helffen noch vertretten soll, was Geist- noch weltlich recht, Constitution, satzung, gebott vnd verbott, wie auch ein an
derer behelff vnd außflucht, so durch Menschen erdacht werden könte, sondern thuen vnß deßelben alles hie
mit trewlichst verzeihen vnd begeben. Deßen zu vrkundt vnd mehrer beglaubigung haben wir zue endt
ces vnser vnd gemeiner BergkStadt Jnsiegel wißentlich an drückhen, auch Zween vnsere mithelffer eigen
händig vnterschreiben laßen. Geschehen vnd geben am Tag Georgij, war der drey vnnd Zwantzigis
te Aprilis, deß Sechtzehenhundert vnnd Zwey vnnd Zwantzigistes Jahrs.
Sebastian Hayn m(anu) p(rop)ria
[seal]
[signature]