Ich H(er) fridrich d(er) wot(er) von dospach mein hausfraw vnd all vnser erbn. wir chunt vnd tun chunt offen
lich an dem brief Allen den di in horent od(er) sehent lesen. Daz wir schuldig worden sein an rehten schulden
Thome(n) dem cholling(er) ze sebn(n)dicz sein(er) hausfrawen vn(d) allen irn erbn. Zway vn(d) dreizzich pfunt prager
pfenig. di si vns baide lachaen habnt von irn trewn vnd dar vmb wir in ingeantwrt vn(d) besatzt haben
daz vnser mutz vn(d) tail in di mvl. vnser hub dacz woppin(n)g da d(er) wot(er) auff ist gesezzen. besucht vn(d) vnbesucht
mit allen den nuczen. rehten vn(d) eren vn(d) zu d(er) vorgenant(en) hub gehort. Also mit d(er) beschaiden daz wir welln
.gewalt habn allew Iar Iarleich vor liechtmess vierczechn tag di obn genant(en) hub dacz woppin(n)g h(er) wid(er)
ze losen vmb di obn geschribn(n) zway vn(d) dreizzich pfunt prager pfenig di dann geb(e)n vn(d) gancz an all in
reden vnd swa an den den si schadn(n) ley chunt oder geuel an vns von der gewa(e)rcz wegn den schullen
wir in allez chulich gucz machen an alln irn schadn(n) tet wir daz nicht swelhn schadn(n) si dez na(e)men vn(d) d(er)
si geschechn(n) mochten inerrecht vn(d) inrechten irn trewn ze gelaubn den selbn schadn(n) schulln wir in alln ab tun
vor vn(d) entrichtn an alln irn schadn(n) vnd den irn schulln si den selbn schadn(n) mit sampt dem ha(u)ptgut haben
auf d(er) oft genant(en) hub dacz woppin(n)g an geua(e)rdenlich auf all d(er) hab di wir ind(er) habn besucht vn(d) vnbesucht
fur wir di habn vor allen lewten vor gucz. vn(d) swenn in auch in swelichn Iarn wir von in losen. so sol
in di stift beleibn vn(d) sol d(er) nucz dez selbn Iar auf dem gut stet ligen. vnd en den brief von irn trewn
zu mir irn willn irn hat d(er) h(er)r allen den reht di si habnt. vnd daz in daz allez sta(e)t vn(d) vnbrochn
beleib vn(d) stet fur e(w)ich. dar vmb so han ich vorgenant(er) H(er) fridrich d(er) wot(er) in den brief gebn v(er)sigelt mit
meim anhangent(en) Insigel dar vmb sich mein hausfraw vn(d) all vnser erbn p(er)p(ri)nt(en) mit irn trewn allez
daz sta(e)t ze habn vn(d) vnbrochn ze vol furn daz an dem brief ist geschribn. d(er) gebn ist nach c(r)istes gepurt
dreuczechn hund(er)t Iar dar nach in dem sybn vn(d) funfczigistn Iar. den na(e)hstn suntag nach sant egidien
tag