Ich Dircz. vnd ich Chůnegel. di Læwbner hawsfraw vnd all vnser Erben. Bechenn offennleich an dem brief
Daz wir mit gůtem willen vnd mit wolbedachtem mvt. vnd mit rat vnser herrn herrn Chůnratz.
vnd Otten von Læw. vnd ander vnser næchsten frewnt wæleich vnd recht verchawft haben an aller gewær vnserm
lehen tze chawffen gebn haben. hern dem Gæwreisch. sein hawsfrawen vnd allen irn Erben. vnsern halben
hof tze Wæpping mit allen den ein fangen vnd ewgen vnd dar tzů gehoirt. swie. vnd wæleich ez nent
Alss wir in. vnd vnser vordern inn gehabt vnd enphangen haben. vmb tzwaingich pfund passawer phenning
vnd haben Auch vns di selben phenning gar gericht vnd gancz. Also mit beschaidenhait daz wir vollen gewalt
den obgenant halbn hof von in wider haben tze chawffen vmb di obgenant passawer phenning. vnd sullen
Auch von in wider chawffen. mit vnser aigen hab dem gůt an allen schaden vnd vns selben tzebehalten nvr
auf di næchsten Liechtmess. di schirist chvmt vor Dinczestn. wo wær daz wir also auf di selben tzeit
von in nicht wider chawffet. so ist der obgenant halbe hof ir Eribleich aigenshafften hab. vnd schullen wir
noch nyemant von vnser wegen. sein in fvrbaz dar vmb nicht irren. noch inderrn. noch an spræchich machen mit.
Geistleichm noch mit werltleichm recht. noch an recht. noch mit dehain lay sachen. vnd schullen Auch in den
obgenant halbn hof fvrbaz enphæhen mit aigen hant vnsers herren vnd lehen in als der herr vnd in
das nent geschiht. alls lants recht ist. vnd an allen irn schaden. geschiht daz nicht. swas schaden
si des nement. den schullen wir in abtůn vnd schullen den habn auf vns vnd auf all vnser hab. wær
Auch daz wir also auf di obgenant tzeit von in nicht wider chawffen. als obn geschribn ist. so schullen
si vns ainen gůtn ochsn noch tway schaff geben ainen stat daz wir ayns nemen vnd ayns tůt an.
beuær. Also ab der halbe hof icht mer gvlt vnd nvtczung trvng vnd gult pring dem obgenant gůt
An ains dinst vnd von Auch an ein mvdweysn sey vnd beleib an geuær. vnd auch imer fvr.
Ayn pfund ochs tzwey schaff. vnd ob wir dar vmb icht mit in an ains chriegen tze chrieg
wurden. als obn geschribn ist. des schullen wir an alls gar vnrecht habn. vnd si recht. vnd swer
den brief von irn wegen inn hat. vnd mit irn willen der hat alle di recht di si habent. vnd obn
geschribn sind. vnd dar vber tze ainer vrchvnd gebn wir in den brief vnd vnsern obgenantn
herrn. Otten von Læw anhangent insigel. vnd dar tzů des erberm manns vnsers insigel.
besigelt. im vnd sein Erben an schaden. vnd vns tze ein bedæchtnuss. wæn wir selb nicht insigel
haben. desint wir vns mit vnser trw vnd ayd alles daz stæt tze habn vnd tze volfuren daz.
obn geschribn ist. der brief ist gebn nach christi gepurt drewtzenhundert. drey vnd sechtzig iar. des næchst in dem
Mayen vnd. des freytags vor des hymlfart von dem Auffart.