Wladislaus Dei Gracia Hungarie Boemie Dalmacie Croacie (et)c(etera) Rex et Marchio Morauie Slesie ac Lucemburgensis Dux Ac Marchio Lusacie (et)c(etera)
Notum facimus tenore Presencium Vniuersis. Quod cum non minus Nos eciam Spiritualium quam Temporalium curam habere expediat Et labascenti interdum ex Iniuria
Spiritualitati Quouis pacto prouidere Deiq(ue) Omnipotentis cultum augere apprime salutare Et dignum Regio fastigio ducamus. Quum itaq(ue) Nobilem Christophorum
de Waitmill ad Preposituram Ecclesie Wyssegradensis Cuius Iuspatronatus ad nos et Reges Boemie de Iure pertinere dinoscitur olim presentandum duxissimus
Arbitrantes hunc Spiritualem si Spiritualia contingeret Vitam ducere Et huic Prelature more boni pastoris Verbo et Exemplo preesse. Verum Quoniam Dictum
Christophorum Rebus Bellicis Ac Militaribus Stratagemmatibus Animum applicuisse Ex fidedignis Intelleximus Castraq(ue) et Papiliones pocius quam Dignitatem
sibi creditam sequi et tueri. Miserti Prepositure nostre Tanquam nobis et ipsa Querula Conquereretur vt sibi Securius de Assiduo ac Iugi Milite prouideremus Quoniam
ergo De Iure et Statutis dictam Preposituram vacare nouimus Adducti precibus morum grauitate Scienciarum multiplici farragine Venerabilis Magistri
Theoderici De Tandorff Ecclesie nostre Wyssegradensis Decani Deuoti nobis dilecti Quem ad antedictam Preposituram Wyssegradensem duximus Nominandum ac
presentandum Immo Nominamus presentamus per presentes Venerabilibus Decano ac Canonicis dicte Ecclesie Nostre Wyssegradensis deuotis nobis dilectis
Aut Quibuslibet aliis tam Spiritualibus quam Secularibus personis Cuiuscumq(ue) Status Condicionisque extiterint Ad Quem vel ad quos Institucio vel Confirmacio
huiusmodi Quoquomodo spectat vel spectare dinoscitur Sacram serie districcius committentes atq(ue) Mandantes Quatenus prefatam preposituram Statim Quando
requisiti fueritis prefato Magistro Theoderico Deuoto nobis Dilecto conferre Ipsumq(ue) et Neminem alium In et Ad Corporalem Realem et Actualem pacificamq(ue)
possessionem prefate Prepositure Admittere et Acceptare debeatis et teneamini Stallo sibi in Choro Vbiq(ue) et loco in Capitulo cum Omni plenitudine Iuris
canonici Assignetis Deq(ue) Vniuersis fructibus prouentibus et Obuencionibus prefate prepositure Ipsi Magistro Theoderico Respondere vel per hos Quorum
interest Responderi facere Locis et temporibus Debitis ac Oportunis Aliter nullatenus facturi Presentibus perlectis Exhibentiq(ue) restitutis In quorum
omnium fidem presentes litteras fieri Sigilliq(ue) nostri Appressione communiri precepimus Datum Bude Die Sancti Valentini Anno domini Mille
simoQuingentesimoseptimo Regnorum aut(em) Nostrorum Hungarie Decimoseptimo Boemie vero Tricesimo Sexto
Ad commissionem p(ro)p(ri)am Regie Maiest(atis)