MAXIMILIANVS
Secundus, Diuina fauente clementia Electus Romanorum Imperator, semper Augustus, ac Germaniæ, Vngariæ, Bohemiæ, Dalmatiæ, Croatiæ, Sclauoniæ (et)c(etera) Rex, Archidux
Austriæ, Marchio Morauiæ, Lucemburgensis (et) Sylesiæ Dux, Marchioq(ue) Lusatiæ (et)c(etera) Notum facimus tenore præsentium, uniuersis (et) singulis, ad quos
præsentes literæ nostræ peruenerint: Quum Imperatores, Reges, (et) Principes inter alias sublimes sollicitudines: non modò gloriæ, nominis sui splendori consulere, salutig(ue)
subditorum maturo consilio (et) armis prospicere: Verum etiam ad æternæ uitæ patriam ac domicilium, mentem quandog(ue) dirigere: statum spiritualem, Dei basilicas earum
gubernatores, cultores cum priuilegijs, libertatibus ac immunitatibus ipsorum in Dei Opt(imi) Max(imi) honorem, pro officio pio, Christianiq(ue) Principis, clementer defendere
manutenere, deseruitiumq(ue) in eisdem Ecclesijs comodum, utilitatem, profectum benignè conseruare deceat. Maiestatiq(ue) nostræ Imperiali, religiosus Fridericus
Batzikouius, Prouincialis per Regnum nostrum Bohemiæ (et) Marchionatum Morauiæ ordinis Prædicatorum, suo totiusq(ue) Conuentus nomine, deuotus fidelis nobis
dilectus humiliter supplicasset: ut de authoritate Imperiali, (et) tanquam Rex Bohemiæ ac Marchio Morauiæ, ex innata nobis clementia, omnia (et) singula
priuilegia, sub aurea Bulla, gratias, libertates, possessiones, homines, bona, census, immunitates, donationes, communitates, indulta, laudabiles approbatasq(ue) bonas con
suetudines: Nec non singula loca antiquitus Monasterijs, (et) conuentibus eidem ordini Prædicatorum in prædictis Regno Bohemiæ ac Marchionatu Morauiæ, à Se
renissimis olim (et) Diuis Imperatoribus, Regibusq(ue) Bohemiæ Carolo quarto, Wladislao, Ludouico, Ferdinando Domino parente nostro charissimo, atq(ue) ab Illustri
Jodoco Marchione Morauiæ, prædecessoribus nostris, alijsq(ue) Christifidelibus, monasteriorum eorundem fundatoribus data, concessa, datas (et) concessas innouare, ratifi
care, approbare, confirmare: Ac ea in singularem protectionem nostram tam personas, quàm omnia ipsorum bona (et) loca clementer suscipere dignaremur. Nos itaq(ue) ac
cedente comendatione (et) intercessione Sumi Pontificis Romani Pij quinti, eorum pias (et) humiles preces, benignè exaudientes: non per errorem, aut improuidè, sed animo delibe
rato, ac sano interueniente Procerum, (et) aliorum fidelium nostrorum consilio, de certa nostra scientia, authoritate Imperiali, tanquam Rex Bohemiæ, Marchioq(ue) Morauiæ
omnia (et) singula priuilegia sub aurea Bulla, gratias, libertates, possessiones, homines, bona, census, immunitates, donationes, comunitates, indulta, laudabiles approbatasq(ue) bo
nas consuetudines: Nec non singula loca antiquitus, Monasterijs (et) conuentibus supradicti Ordinis Prædicatorum, data, concessa, datas (et) concessas innouamus, ratifica
mus, approbamus, ac in omnibus punctis, clausulis (et) sententijs suis (acsi omnium tenores de uerbo ad uerbum his literis nostris forent inserta, (et) insertæ) clementer confirma
mus. Decernimusq(ue) Imperiali, (et) Regio Bohemiæ nostro edicto, omnia ac singula inibi contenta plenum (et) inuiolabile robur perpetuis temporibus obtinere. Volen
tes præterea nomination(em) Prouincialem, (et) ipsius conuentus bona, cum omnibus pertinentijs suis, quocunq(ue) nomine, uel appellatione uocentur, aut censeantur, fauore amplio
ris gratiæ prosequi, in nostræ specialis protectionis munimen suscipimus. Mandantes omnibus subditis nostris, ac seriò præcipientes, singulis Officialibus,
cuiuscunq(ue) status, gradus, uel conditionis existant, fidelibus nobis dilectis, ne prædictum Prouincialem (et) sibi subiectos conuentus, loca, possessiones, bona, census, atq(ue)
subditos eorum in priuilegijs (et) iuribus eorum, ullo modo molestent, perturbent, aut impediant: nec ab alijs turbari impedirive permittant. Sed eos nostro nomine, sub
indignatione nostra grauissima (et) pœna in Bulla aurea, claræ memoriæ Caroli quarti Romanorum Imperatoris contenta efficaciter defendant, tueantur (et) protegant.
In quorum omnium fidem, has literas sigilli nostri appensione iussimus muniri. Datæ in Regia arce nostra Pragensi uigesima secunda die mensis Aprilis.
Ad mandatum Sacræ Cæs(areæ)
M(aiesta)tis proprium
Vic(e) Walter