Albert(us) von gottes gnad(en) Romisch(er) künig allezeit ein merer des gantzen
heiligen Römisch(en) Reichs allen getrewe(n) die dysen kegenw(er)tigen brif ansehe(n)
Empent Entpiet(en) wir vnser gnad vnd alles gut So man sicherli(c)h da hyn eine
wolthat thut da man von dem geber aller gnad(en) vnzweifelich harrend ist
vorgeldung ewig(er) gutter Wir eines solchen vaters vnaussprechliche gutigk(eit)
ansehend den belibten in xpo dem Gardian vnd den my(n)dren brud(er)n vnd
dapey auch d(er) abtissin vnd de(n) closterfrawe(n) sant clare in Eg(er) welchen vnd
welche vmb yres loblich(e)n geruch(e)s will(e)n yres gute(n) leb(e)n wir mit jnnedig(er)
begeru(n)g d(er) lieb ansehen vnd erfolg(e)n Angesehen d(er) ewigen v(er)geldu(n)ng Dise
genad hab(e)n wir in gedacht zu thun Das sie von vnsern vnd des keyserlich(en)
Reichs wäldern die jn am nähst(e)n gelegen sein holtz zu ew(er) not on alle wider=
sprechung hawe(n) vnd neme(n) mug(e)n vnd daraus furen es sey zu gepäw
oder tägliche(m) feuer zu nutze Alle försteern oder walthütern obgenant(e)n
walden vnd Richtern in Eg(er) hertiglich gebieten das sie nicht dy obgenant(e)n
prud(er) od(er) closterfrawe(n) od(er) ire boten in ausfürung solches holtz v(er)hindern
oder etwas vor zolles od(er) einiges andern rechtes fodern od(er) heyschn von jn
jn diser ding gezeugnuß hab(e)n wir disen brif las(e)n schreib(e)n vn(d) d(en) mit vnsern
majestat Sigill heissen befestig(e)n Gegeben zu Eg(er) am tag d(er) sechst(e)n kaleden
octobris Nach xpi geburt Tausent dreyhundert vnd in dem sechst(e)n jar vnd vnsers
Reichs jm neunden j(ar)