Wir ludwig von gotz gnaden Zu hungern Beham Dalmacien
Croacien (etc) kunig Marggraue Zu Merhern Herczog Zu lucem
burg vnd jn Slesien Marggraue Zu Lausitz (etc) Entbieten dem
Hochwirdigen dem hochgebornen vnsern fursten Herren Jacoben Bischoue
Zu Breslaw haubtman Herczogen Zu lignitz Brieg haubtman jn nyder
Slesien Carln jn Slesien Herczog Zu Munsterberg lantgraue jn Ober
Lausitz Dem Erbarn Ersamen vnd vornunftigen Burgermeistern Raths
mannen Richtern Geschwornen Burgern vnd gemainden der Stete Breslaw
Schweidnitz Namslaw Newenmargt Brieg Neyss Munsterberg Strehlen Glogaw
Sagan Frossen polgkwitz lignitz Bolkperg lewenberg lawben Gorlitz
lobaw Budissen vnd Sittaw vnsere kunigliche gnad vnd alles gut lieben ge
trewen dy weil wir die jn vnsern vnd vnsers lands obligenden swere
rum handlungen vnd geschefften nicht vor das geringste bedacht anzustellen
damit das ihenige welchs von langer zeit Zu der ehren gottis vnd seligen wer
cke der menschen verordent vnd durch geverliche Zufelle der zeit abkumen
vnd in aine veranderung gestalt vmbkumen in seinen bestandt gebracht wurde
das auch daneben das selbe so vonn vnsern vorfarn in sundrehait vonn
etwan vnserm lieben hern vnd vatern kunigen ladyslawen hochloblicher ge
dechtnus der gleichen von vns auffgesaczt bey krefften vnuerbruchlich
bleiben mocht So dan die Closter des mindern ordens in vorgenanten Steten
vnd steten gelegenn wider die rechte ordnung vnder Zwo Custodien als nemlich
Breslisch vnd Bolkpergisch gezogenn vnd also Zwisspaltig durch Zwen
prouincialen nicht an klaine beswerung vnd gefarde versehen sein Haben wir
aus Behemischer kuniglicher macht vnd gewalt als Herczog in Slesien Zu newe
verordent vnd auffgesaczt vnd jn krafft dises brieffes auffseczen vnnd verordnen
das alle dy selben Closter vmbkumen ainem Minister vnsers kunigreichs Beham
als in dem selben vnserm kunig begriffen sollen vnterworffen vnd seiner ge
walt vndergeben vnnd Zugeaigent sein in massen es bey anfang der ersten fun
dacion gewesen Als wir dan auss glawbwirdiger anzaigung vernumen wie
dan auch Zu vbermass das selbige in ainem gemainsten Capitel des selbigen or
dens vnder babst leom dem Zehenden Zu Rom gehalten beweist vnd versehen
ist Auch Zu verhuettung viler swerer schmach vnd schaden welche aus dem
vntterschaide der Minister entspriessen sunderlich dy weil aus vorgehalten rath
der Regenten vnsers kunigreichs Beham kain ander weg der eintracht hat moge
befunden werden Haben wir sampt vnserm kunig schrifftlich begre an
General gethan welcher vns Zugesagt in vnser kunig Zu Beham im