Wir Ludwig von Gots genaden Zu Hungarn,
Behaim, Dalmatien, Croatien (etc.) Kunig, Marggraue Zu Mehern
Hertzog Zu Lucemburg vnd in Slesien Marggraue Zu Laußitz (etc.) Ent=
bietten dem Hochwirdigen dem Hochgebornen vnsern Zuechten Herrn
Jacoban Bischoue Zu Breßlaw Zwickawschen Hertzogen Zu Sagnitz, Burg=
graubman in Slesien, Slesien Carten in Slesien genant Zu Munsterberg
Landtuogt in der Laußitz, dem Erbarn, Ehrsamen vnd vorsichtigen
Burgermeister, Rätmanen, Richtern, Geschwornen Burgern
vnd gemainden der Stette Breßlaw Schweidnitz Nambslaw, Neu=
marckt, Brieg, Neiß, Munsterberg, Streln, Jawar Sagan, Lewen,
Kotwitz, Lignitz, Bolckburg Laudenberg, Lauban, Görlitz, Lobaw,
Budißin vnd Zittaw vnser Kunigliche gnad vnd alles guet. Liebes
getrewen, dieweil wir den in vnsern, vnd vnsers lands obligenden
schweren handlungen vnd geschefften nit vber das geringste bedacht
sein Zu sollen, damit das ienige weliches vor langerer Zeit Zu den
Ehren Gottes, vnd seligen weg der Menschen verordnett, vnd
durch geistesliche Züfelle der Zeit abkumen, vnd in aine verenderung
gestelt, widerumb in ainen bestandt gebracht wurde, das auch
darueber das selbe so von vnsern Vorfarn, in sunderhait vom
durchleuchtigen lieben herrn vnd Vattern Kunigen Ladislawen, hoch=
loblicher gedechtnus der gleichen von vns auffgesatzt bey vns sten=
dn vnuerbrechlich beleiben mocht, So dan die Clöster des munder Ordens
in vorgenanten Stetten vnd Steten gelegen wider ir erste ordnung
vnd Jres Custodien als nemblich Breßlauisch, vnd Goldberigisch gezogen
vnd als Zway tailig durch Jren preuincialen nicht on klains beschwerung
vnd geferde versehen sein. Haben wir auß Hochainigter Kuniglicher
Macht vnd gewalt als Hertzog in Slesien Zu Ratu verordnett vnd
auffgesatzt, vnd in krafft dises brieffs auffsetzen vnd verordnen,
das alle dieselben Clöster widerumb aines Minister vnsers Kunig=
reich behaim als in demselbem vnserem Reich begrieffen, sollen vnderworffen,
vnd darine getailt vnd gehandelt Zuegeaignet sein, inmasse es bey
anfang der ersten fundation gewesen, als wir den auß glawbwirdiger
anzeigung vernomen, wie den auch Zu ebermas dasselbigen ainen
gemainen Capitel deselbigen ordens vnd Babs Leone dem Zehenden
Zu Rom gehalten, bedacht vnd verkuendt ist, auch Zu bestettung bitere
schwere straff vnd Gaden, weliche die Vatter vnd suen der Minister
leut stossen, sonderlich dieweil auß Vorgehalten Ratt der Regenten
der ort Kunigreichs Behaim kain vnderrichtung der ankunfft hat mugen
befunden werden, haben wir sambt vnserem Rath Christlichen beyin
ein General gethan Weliches vnd Zuegesagt in vnserem Reich Behaim ain
Comissarin mit Vollkumner macht, entlich Zuebaw Zu leichen Zwißchen
den vorgenantengebrüder der prouintz Behaim, vnd Sachssen, weliche