Joannes Dei Gratia Episcopus Cracouiensis Vniuersis præsentes inspecturis
salutem et pacem, quæ exsuperat omnem sensum ad pietatis opera et deuotionis
studia cupientes speciali præmio indulgentiarum quoslibet Christi fideles
studiosius inuitare ut exinde reddantur diuinæ gratiæ aptiores omnib(us) uerè pœniten=
tibus et confessis qui ad Ecclesias Fratrum Minorum in Wratislauiensi Custodia
constitutas in trib(us) maiorib(us) festis ac B. Virginis quatuor solennitatib(us) nec non
in specialib(us) Ordinis et dictarum Ecclesiarum festiuitatib(us), et infra octauas earun=
dem cum deuotione accesserint, uel etiam manum porrexerint adiutricem quadraginta
dies de iniuncta sibi pœnitentia ratifcatione Diœcesani accedente misericorditer relaxamus.
Datum Wratislauiæ Anno D(omi)ni M. CC XCV. V Nonas Julij