IN NOMINE SANCTE TRINITATIS ET INDIVIDUE UNITATIS AMEN. Ego Dobizlaua de Chernicz quondam
uxor Zueztonis nobili viro in Christo fidei Christiana preuiam impertiens. Pro eo quod actus hominum que fiunt ex pia
deuotione propter deum ne aliquo casu euentu cassari valeant in posterum necesse est ut litteris et testibus
perhennentur: Noscat igitur tam presens hominum etas quam successura in Christo posteritas. quod ego ex
diuino ammonitu salubriter considerans quod diues morior et pauperi in mundo pro hominibus ex eo presumpsit relictis
Christo quod ad refectionem pauperum villam meam nomine Chernicz maiorem a Praga fere ad duo miliaria sitam sancto
Francisco hospitali quod dominus Agnes soror illustris regis boemie ad usus pauperum construxit in Praga cum plena delibe
ratione omni iuris et proprietatis titulo donaui. Quod cum sine assensu domini mei illustris regis boemie non
possem omnino stabilire. per iustos et idoneos nuncios meos sepedicti regis assensum et confirmationis priuilegium coram subscriptis
testibus impetraui. Testes autem huius rei hec. Dominus reginus quondam episcopus pragensis. Dominus arnoldus prepositus Wisse
gradensis et regalis aule cancellarius. Dominus sipo maior prepositus pragensis. dominus thobias archidiaconus pragensis. Laici.
Zbrazlaus subpincerna. Bauarus filius Bauari. Mladota filius Bohus. Rudolsus filius Rudolfi de kebla.
Matheus de Holasouicz. Surosi filius Vtese. et alii quam plures Boemi. Datum anno ab incarnatione domini Millesimo. CC. XXX. VII.
Ad cautelam autem et ad perpetuam memoriam mee spontanee et rationabilis facte presentem paginam scribi statui et sigilli
mei appensione communiri.