Wir brud(er) Vlreich ob(er)st(er) spital(er) des ordens der chreuzer brud(er) mit dem stern an dem fuzze der
prucken zu P(r)ag gesezzen vnd d(er) conuent gemein da selbs bekenn(e)n offenber vnd tun chunt allen den
di disen brief sehen oder horen lesen daz wir in vns(er)m spitale haus zu P(r)ag ainen prister mer haben schul(n)
den danne wir p(i)z her da gehabt haben der in d(er) capellen in dem selben spitale hause da ein d(er) vns(er)n nam(en)
her Taut d(er) hallner ewen purger zu P(r)ag dem got genad sein begrebt hat vnd bestat wart ewichlich
aller teg lich ein mess halt vnd volpring(e)n vnd wen d(er) prist(er) ainer abget od(er) in siechtum od(er) in chrancheit des
leibs geuellet od(er) von dem selben spitale hause and(er)swenden gesant wirt daz die mess da von etlichen tag(e)n niht
volpraht mach w(er)den so schul(n) ez danne dar vmb ein wochen niht enand(er)s an gewert sein also wen di selbn
ein wochen auz sein daz danne die mess mit dem selbn prist(er) oder mit eim and(er)n d(er) an sein stat gesant
wirt wid(er) gewertigt sei wan si der eg(e)nant Taut in die ebnante capellen got vns(er)m h(er)r(e)n
vnd allen heyligen zu lob vnd zu eren vnd siner sel vnd siner vord(er)n seln zu hilf vnd zu trost gee(r)
wigt vnd gewidempt hat mit ainlef taren zinss zu Kotschawz die er dem selbn vns(er)m spitale hause zu
P(r)ag dar vmb auf gab vnd vntteinch gemacht hat a(u)ch zu gehorent noch druhalp tar zinss die
stunden pfande die lost a(u)ch hin zu brud(er) prister itzu vnser spitalmeist(er) zu P(r)ag vmb funfzehen pfunt
haller Vnd geschech des got niht welle daz vnser brud(er) da selbs zu P(r)ag an d(er) mess alle tag zu haltn seu(m)
mich wurden funden od(er) ob die mess niht gewertigt wer vnuezogenlich nach den ein wochen als e vnt(er)
schiden ist daz man des an allez geuerd an di warheit chome so schuln vnd mugen sich des vorbenanten
h(er)n Tauten sun Johans perner genant vnd sin nehste frunde der ebnante ainlef tar vnd d(er) zinss
leute zu Kotschawz vntwinten vnd si and(er)swenden gebn vnd keren do die mess baz gehalten vnd be(r)
stet werd a(u)ch gelobn vnd geheizen a(u)ch daz vnser eg(e)nant brud(er) zu P(r)ag ewichlich aller ierlich
des vorgenante(n) h(er)n Taute(n) Jartzeit begen schuln se des abendes mit vigilien vnd des morgens mit
selmess Vnd schuln a(u)ch alle naht ein liht habn in d(er) of(t)eg(e)nante(n) capellen daz ewichlich alle naht dar
inne leuht vnd prinnet wan er in a(u)ch dar vmb gab sehs pfunt haller zinss auf dem garten
vor d(er) stat zu P(r)ag bei dem Engelger prunne gelegen Vnd auf alle die vorbeschribn besteti(n)
denheit weist er an si bei sinem lebnteg am leibe die zinsleute d(er) vorgeschribn zinss zu Kotschawz
vnd auf dem garten Vnd des alles zu vrchund vnd zu stetichait geb wir disen offen brief
vesigelt vnd bestet mit vns(er)m Infigeln d(er) gebn ist do man zalt von christe ge(r)
burt dreuzehenhundert Jar dar nach in dem ainvndvirczigstem Jar an sand Matheus
des heyligen zwelfboten vnd Ewangelisten tag