Carolus quartus Divina favente Clementia Romanorum Imperator
Semper Augustus et Bohemiae Rex. Apud aeterni Regis clementiam
retributionis praemium, et apud homines laudis praeconium nobis acquiritur.
Si personas Ecclesiasticas, praesertim quae spretis oblectationibus Saeculi Sub
Religionis habitu virtutum domino famulantes ac alios Christi pauperes,
qui miseriam in vita miserabili patiuntur, Celsitudinis nostrae foveamus
praesidio, et liberalitatis dextera eorum opportunitatibus succurramus.
Sane accedens ad Culminis nostri praesentiam Religiosus vir Magister Hospi=
talis S. Francisci in pede Pontis Civitatis Pragensis ordinis Cruciferorum
cum stella Suo proprio, Suique Conventus ac dicti Hospitalis nec non
pauperum infirmorum in ipso degentium nominibus nobis Supplicavit
instanter, ut cum alia Privilegia seu indulta, Sibi super nonnullis
libertatibus, Juribus, Servitijs, Jurisdictionibus, honoribus, praerogativis
et gratijs, ac personis, bonis, et rebus ad eos spectantibus per celebris
memoriae Divum quondam Wenceslaum quartum Regem Bohemiae,
illustrem progenitorem nostrum Charissimum donata habeant libera=
liter et concessa. Eadem quoque Privilegia sive indulta per nostras
alias certi tenoris litteras Sigillis nostrae Majestatis Regalis munitas
Authoritate Regali nomine Coronae Regni nostri Bohemiae sint
etiam Magistro et Conventui ac Hospitali praefatis gratiosius
confirmata, eis Privilegia, et indulta hujusmodi, Secundum omnem
modum, formam, et continentiam ipsorum, de verbo ad verbum,
Sub Bulla Aurea Typorio nostrae Majestatis impressa, praesen=
tibus innovare, approbare, confirmare, et de novo concedere digna=
remur. Nos itaque considerantes pium devotionis amorem,
quo progenitores nostri Reges Bohemiae inclyti dictum Hospitale
S. Francisci, in quo recolliguntur, assidui infirmi pauperes, et
aliunde Similiter Subventionis venientes gratia jugiter profecti fuerunt,