Allenthalben, vnnd mit Allenn irn nuczen, Rechten
Vnnd zugehörungen, wie man die mit sundern oder
gemeinen worten benennen mag, sie seindt benant
oder vnbennant, keinerley außgenommen, Als
sie die allenn guet mit allen Iren zugehörungen
Von herrn Cunradten von weiczperg, des weiczberg
Ergekauft haben vnnd dannach Alle die guet
Inn dem dorff zu oberndorf, Auch Inn dem Egerland
gelegenn, da Inn Inen Auch aigent Auch mit wisen
wasserenn vnnd flüssen, vnnd Allen zugehörungen
ohne geuerde Alls selbenn guet, wider dem
hansen weiczperger ehelich zu kauffen geben
Auch gekaufft habenn, vnnd dann darzu In der stat
zu Eger Auch des volck seligenn, des zeigern
erb hause, An dem staine gelegen, zwischen
heinrichs des Aschenn vnnd die Cunradts hawsere
hawsern vier pfundt haller, vnnd Auch des pauls
Zinters hause Inn der Brünoldts gassen gelegen
Zwischen des francken künrads, vnnd des hermans
Von weinsberg hewsern, Zway pfundt haller
Vnnd Auch des peters Brunrads hause, bei den
obern thore gegendeb Iohans kochen hause, vber
dem wege gelegen, ein pfundt haller vnnd Auch des
hansen weigers hause, zwischen des Albrechts
Reichners, vnnd des hannsen wechslers hewsern
gelegen, sechzig haller vnnd dann vber vor der stat

die burger der stat zu Eger, gemeinlich, oder der merer
theill, mit der andern wissen, vor den Erwirdigen vatter
In Got dem Erczbischof zu prage, oder vor dem pfleger
der Ie der zeit der stadt vnnd des landes zu Eger
pfleger ist oder vor Irem Ambtman, oder wo das ist
darumb anweisen vnnd Ansprechen vnnd die
sollen In darumb von vns darumb geholfen sein
dabei sie Alles das ermelten, vest vnnd gancz vo
bringen halden, vnnd thun sollen, das vor Iren, an
dem briefe ordentlich vnnd bescheiden ist vnnd
darumb wellen wir die den obbenanten burgern
zu Eger vber vmb dann behelffen, wie noch
die burger zu Eger Alle noch Iemandt ander
von Iren wegen, mit vnsern vleysen, oder
priuilegien, ewigkaiten, noch Rechten, noch ein
Geistlichen noch weltlichenn Rechten, noch kein
vleys, furkummen, nicht erdiglich, nimmermehr
drungen bekümmern, noch besweren, Alls dar
bis hieinn Aufgeschriben, vnnd des Alles zu vr
kundt vnnd zu sicherhait geben wir Ihm diesen
offen brief versigelt mit vnsern des obbe
nanten friedrichs obristen maisters In Iren
spital maister zu Eger vnnd des conuents des
spital hauses zu kreuczherren orden, zu zeugen
der geben ist doman zaltte von christus geburdt
dreiczehen hundert Iar, darnach In dem funf
vnnd sibenczigsten Iare An dem nechsten dritag
vor phinst, der hailigen frawen leichnam tage