Wenceslaus dei gracia Romanorum Rex semper Augustus et Boemie Rex Notum facimus tenore presencium vniuersis Quod cum honorabilis et Religiosus Zdenko
magister hospitalis pauperum in pede Cruciferorum cum stella in pede pontis pragen(sis) deuotus noster dilectus pro certa pecunie summa pro qua bona sua hereditaria videlicet in
Bussowicz et in Lhotka et in Hradek villis vendidit alia bona libera seu census siue redditus in boemia liberos in Regno nostro Boemie vsque ad valorem quingentarum
Sexagenarum grossorum pragensium emere et comparare proponat Extat a maiestate nostra pro parte eiusdem Zdenkonis humiliter supplicatum quatenus ad empcionis comparacionis
et vendicionis eorundem bonorum Censuum siue Reddituum in quibuscunque consistant contractum consensum et assensum nostrum Regium adhibere eundem approbare
ratificare et confirmare graciose dignaremur Nos attendentes grata valida et plurimum accepta seruicia quibus idem Zdenko noster et progenitorum
suorum studium exhibuit et in processu temporis eo promptius exhibenda Non per errorem aut improuide sed animo deliberato sanoque fidelium nostrorum accedente consilio
ad empcionis comparacionis et vendicionis contractum predictorum bonorum censuum siue reddituum liberorum in Regno nostro Boemie consensum et assensum nostrum Regium
adhibuimus ipsum approbauimus ratificauimus et confirmauimus approbamus ratificamus et virtute presencium Regia auctoritate Boemie et de certa nostra sciencia graciose
confirmamus Vt videlicet ipse Zdenko prefati hospitalis magister predicta bona census siue redditus postquam per ipsum in Regno nostro Boemie pro prefatis Quingentis sexagenis
grossorum pragensium empta comparata empti seu comparati fuerint cunctis sue vite temporibus habere tenere et possidere debeat necnon in vsus suos beneplacitos prout
sibi expedire videbitur absque impedimento quolibet conuertere valeat atque possit Et in casum quo predictus Zdenko prefata bona siue census aut redditus in Regno
nostro Boemie vsque ad Summam Quingentarum Sexagenarum grossorum pragensium pecunie siue precii integraliter emere et comparare non posset extunc eidem Zdenkoni
de Regie nostre potestatis plenitudine hanc fecimus graciam specialem et facimus graciosius per presentes quod ipse in subsidium empcionis et comparacionis predictorum bonorum
Censuum siue Reddituum pro complemento predicte Sume Quingentarum Sexagenarum grossorum pragensium certas pecunias ex pia hominum largicione sibi donatas
superaddat atque possit Impedimentis et obuiis penitus procul motis Volumus eciam quod prefata bona libera siue census aut redditus liberi in quibuscunque con
sistant in Regno nostro Boemie empta et comparata siue empti aut comparati post ipsius Zdenkonis mortem ad Conuentum necnon pauperes prefati hospitalis de
luoluntate eiusdem et venire pacifice et quiete sub condicionibus prout ipse in vita vel in morte sua hoc habere decreuerit ordinauerit et disposuerit impedimentis
non obstantibus quibuscunque Sane et quos ipsis Regia auctoritate Boemie et de certa nostra sciencia Incorporamus inuiseramus annectimus vnimus et extunc prout
exnunc et exnunc prout extunc virtute presencium graciosius confirmamus per eos ad instar aliorum bonorum suorum perpetuis temporibus ecclesiastica libertate habenda
tenenda et pacifice possidenda Mandantes et committentes nobilibus Vrzednicionibus et Beneficiariis Tabularum Terre Regni nostri Boemie et signanter prothonotario
et vicenotario qui nunc sunt vel pro tempore fuerint firmiter et districte Quatenus prefata bona siue Census sub condicionibus expressatis superius dum per eos desuper
requisiti fuerint Terretabulis annotent fideliter et inscribant prout indignacionem nostram grauissimam voluerint arcius euitare In cuius rei sub Regie nostre
maiestatis Sigillo testimonio literas Datum Prage Anno domini Millesimo Quadringentesimo septimo die decimaoctaua Junij Regnorum nostrorum
Anno Boemie Quadragesimo quinto Romanorum vero Tricesimoprimo