sambt der zeit den zins bezalung thetten, und die sum
ma wie obsteht sambt dem zins bezalt hetten, mit guter
gulden landtwerung od(er) silberin behmisch grossen
prager schlags, Sollen sie mir, mein erben erbnamen
und nachkomen Inhabern der stadt, die funf und dreissig
gulden theinisch, neben den andern losung zugeben und
umbz verphlicht sein, und diese verschreibung wid(er)kheren,
und nit ehe, Bunde Ich auch obengeschribner wolf herr
von Rutenstein fur mich, alle mein erben, erbnamen
und nachkomen Inhaber d(er) stadt, bey meinen waren worten
und guten theuen, das sie und Ir nachkomen bey diser
verschreibung und zinsen bleiben sollen, alle die weil sie
des, wie obengeschriben steht, nit abgelöst werden, des
alles zu warer urkhundt steter und unversprüchlich
haltung hab Ich nengeschribner wolf herr von Ruten
stein fur mich, all mein erben, erbnamen und nach
komen Inhaber d(er) stadt, mein aig(en) Insigl an diesen
brieff wissentlich und gutwilliglich lassen hengkhen,
Und zu mehr sicherheit und gezeugnus gebeten hab, den
wolgebornen herrn, herrn heinrich von Rutenstein, und
auf der schwartzenburg, mein freuntlich lieben herrn
brueder, und die Erbarn und vesten heinczen kneist von
Mutschen zue schönewalt, Bohuslaw Bohusch von
Ottieschitz zu schossenreut, und wilhelm kheller
von der Sazengrun zue alten zedlitz, das sie Irer
Insigl von meinet halbn weg an diesen brieff neben
dem meinen sigl gehang(en) haben, doch In, Iren erben
und Insigln an schaden, der geben ist nach Christi
unsers lieben herrn geburt, Tausent, funf hundert,
und in dem Achten Jar, an sambstag nach sant
Georgen tag des heilig(en) Ritters :~