Wladislaus dei gracia Boemie Rex Marchio Morauie Lucemburgen(sis) et Slesie Dux ac Lusacie Marchio (et)c(etera) Omnibus imperpetuum C(um) ad culmen Regalis fastigii su
perna euecti clemencia animum nostru(m) curis sacratis deo Basiliis et sacris diuine personis celibem vitam professis auidissime studemus impendere eorum consulendo profectibus et benigne fauoribus assistendo vt
que nostrorum pietate antecessorum eis donata esse cognoscimus brachii nostri protectione et priuilegiorum roboracione perpetua stabilitate firmentur Sane maiestati nostre pro parte Religiosorum Gregorii Prio
ris et fratrum hospitalis Sancti Iohannis Iherosolimitani domus Sancte Marie in pede pontis Minoris Ciuitatis Pragen(sis) deuotorum nostrorum dilectorum oblata supplex peticio continebat vt de benigni
tate Regia graciose approbare ratificare innouare roborare et confirmare dignaremur omnes donaciones concessiones gracias libertates exempciones immunitates laudabiles consuetudines Indulta priuilegia et
Iura eciam vniuersa ipsis et dicte eorum domui a Serenissimis olim principibus diue recordacionis Wladislao Iohanne et Karolo Regibus Boemie progenitoribus nostris charissimis datas concessas
donatas et indultas data concessa donata et indulta quorum instrumenta seu litteras nobis ad videndum et legendum copiosissime exhibuerunt sanas saluas integras illesas non falsas non abolitas non cancellatas
nec in aliqua parte sui quomodolibet viciatas omni prorsus vicio et nota suspicionis carentes Nos qui honesta pie supplicancium vota benigna semper aure admittimus Iustis dictorum fratrum peticionibus fauora
biliter duximus annuendum Igitur non per errorem aut improuide sed animo deliberato Sano fidelium nostrorum accedente consilio ex certa nostra sciencia Auctoritate Regia Omnes et singulas donaciones conces
siones gracias libertates exempciones immunitates laudabiles consuetudines Indulta priuilegia et Iura eciam vniuersa eis et dicte ipsorum Eclie seu domui a supradictis Serenissimis olim progenitoribus nostris
atq(ue) charissimis datas concessas donatas et indultas data concessa donata et indulta ob reuerenciam dei omnipotentis et Intemerate genitricis ipsius semper virginis Marie in omnibus eorum punctis clausulis arti
culis et sentenciis ac si ipsorum tenores de verbo ad verbum presentibus inserti existerent acceptamus ratificamus approbamus roboramus innouamus validamus et vigore presencium graciose confirmamus Volentes
et decernentes omnia et singula in eisdem contenta robur firmitatis plenissimum perpetuo inuiolabiliter obtinere Supplentes de plenitudine Regie potestatis omnem defectum si quis in premissis aut circa ea ex ob
scuritate sentenciarum obscuritate verborum aut alias quomodocunq(ue) de Iure vel de facto valeat aliquatenus deprehendi Volumus eciam et decernimus de Iure eos insimul dictorum fratrum constructe ante portam Cimiterii eoru(m)
ex opposito domus Commendatoris situate antiquo et vetusto gaudeant priuilegio ipsos dumtaxat fratres suos dominos recognoscendo et census constitutos eisdem persoluendo neq(ue) aliud quitquam Ciuitati nostre Pragen(si) Mino
ri prestare teneantur et soluere quam Ius pincernarum seu cauponarum et in sutorum seu negociatorum si talia exercuerint quomodocunq(ue) Balneum quoq(ue) ipsorum intra muros dictorum fratrum constructum a tergo domus
Commendatoris magne fundi eiusdem eorum esse censentes debitum exinde censum solita quoq(ue) onera et operas consuetas antiquitus prestari erequi et facere ab omnibus Balnei eiusdem possessoribus eisdem fratribus iubem(us)
et mandamus consuetudine contraria non obstante Cupientes preterea sepedictos fratres vberiori nostra gracia consolari damus concedimus atq(ue) largimur ipsi Gregorio priori dicte domus et successoribus eiusdem
plenam et omnimodam facultatem Auctoritatem et potestatem redimendi et reluendi omnia Ipsius Eclesie bona mobilia et immobilia atq(ue) res eciam vniuersas a cuiusq(ue) persone aut loco quomodolibet obligata et in scriptis
obligata scilicet et inscriptas tam a Serenissimis olim nostris antecessoribus seu eciam a nobis aut ab aliis quibuscunq(ue) bona vero et res eiusdem Eclesie que a quocunq(ue) loco uel persona qualibet sine iusto titulo aut nostrorum an
tecessorum inscriptione uel nostra obligacione quomodolibet detineantur Ipsi Gregorio et suis successoribus vel alteri ab ab eo uel ipsis mandatum fuerit Volumus sine mora et contradictione restitui Nolentes deinceps bona
aut res eiusdem eclesie ad aliquod longum uel breue tempus seu eciam imperpetuum per nos aut successores nostros alienari obligari pignorari locari abstrahi et in scribi seu quolibet alio titulo diminui Siquid autem
in contrarium per inaduertenciam occupacionem aut petencium importunitatem a nobis uel successoribus nostris impetratum fuerit quandocunq(ue) id extunc prout extunc anullamus cassamus irritamus viribusq(ue) vacuamus
ac nullius penitus roboris firmitatis et momenti esse decernimus Non obstantibus Regni Boemie consuetudinibus hiis contrariis quibuscunq(ue) Mandamus igitur vniuersis et singulis Beneficiariis Officialibus et Magi
stratibus Regni nostri Bohemie qui nunc sunt uel pro tempore fuerint vt predictos fratres hominesq(ue) eorum ad dictum Monasterium pertinentes ac ipsam eorum domum circa omnia predicta conseruent protegant ma
nuteneant atq(ue) defendant Nec eos in et super hiis inquietari turbari vexari molestariq(ue) per quempiam paciantur seu permittant prout indignacionem nostram grauissimam cupiunt foliare euitare In quorum omniuz
fidem et robur plenissimum presentes litteras fieri et Sigilli nostri Regalis appensione iussimus communiri Datum Prage die Nona Mensis Maii Anno domini Millesimo Quadringentesimo Octogesi
mo Regni nostri Anno Nono