Innocentius ep(iscopu)s seruus seruor(um) dei. Uenerabilibus fratrib(us) Archiep(iscop)is et Ep(iscop)is et Dilectis filijs Abbatib(us) Priorib(us) decanis Archidia
conis et alijs eccl(esi)ar(um) prelatis ad quos littere iste peruenerint. Sal(u)t(em) et ap(osto)licam ben(edictionem). Paci et quieti religiosor(um) uiror(um) fratrum hospitalis Jerosoli
mitan(i) ap(osto)lica nos conuenit sollicitudine prouidere (et) tam ip(s)os quam eor(um) bona tanto sollicitius a malignor(um) incursibus (et) rapinis tenemur protegere quanto
pro fide xp(ian)i nominis se diuturnioribus exponunt periculis et aduersus prauas (et) exteras nationes labores subeunt grauiores. Jnde est q(uo)d tam for
tes athletas xp(ist)i in suo s(an)c(t)o proposito uolentes attentius confouere ad defensionem sui sollicitudinem u(est)ram duximus comonendam ut magis ac magis pos
sint ad promouendum propositum quod sumpserunt intendere cum fuerint sollicitudine prelator(um) eccl(esi)e a malignantium inquietatione securi. Monem(us)
itaq(ue) vniuersitatem u(est)ram atq(ue) precipimus quatinus siquando cl(er)ici uel laici parrochiani u(est)ri in aliquem predic~tor(um)~ fratrum capiendo uel de suis equitaturis
eiciendo aut alias inhoneste tractando uiolentas manus iniecerint hui(us)modi presumptores sub appellationis obstaculo accensis candelis dilatione (et) occasione
postposita exco(mmun)icatos publice nuntietis et tamdiu faciatis sicut exco(mmun)icatos artius euitari donec passo iniuriam congrue satisfaciant (et) pro absolutionis beneficio
impetrando apostolico se conspectui representent. Eos uero qui in predic~tos~ fr(atr)es manus non iniecerint uiolentas sed equitaturas aut alia eor(um) bona uiolen
ter diripiunt si a uobis commoniti ablata eis noluerint restituere (et) de illatis iniurijs satisfactionem congruam exhibere uinculo anathematis astrin
gatis quo ip(s)os usq(ue) ad dignam satisfactionem teneatis astrictos. Dat(um) Lugdun(i) x k(a)l(endas) Septembr(is)
Pontificat(us) n(ost)ri Anno Quarto.