Innocentius ep(iscopu)s seruus seruor(um) dei. Uenerabilibus fratribus Archiep(iscop)is et Ep(iscop)is et Dilectis filijs Abbatibus prioribus
Decanis Archidiaconis et alijs eccl(esi)ar(um) prelatis ad quos littere iste peruenerint sal(u)t(em) et ap(osto)licam ben(edictionem). Religiosos uiros fr(atr)es dom(us) Hospital(is)
Ierosolimitan(i) pro religione et honestate sua tanto propensius a malignor(um) incursionibus protegere uolumus et tueri quanto puriorem deuotionem
circa nos et Roman(am) eccl(esi)am habere noscuntur. Inde est q(uo)d uobis per ap(osto)lica scripta precipiendo mandamus quatinus vniuersis parrochianis u(est)ris
sub interminatione anathematis prohibere curetis ne a prefatis fratribus uel eor(um) hominib(us) de uictualibus uestimentis pecoribus seu de
alijs rebus eor(un)dem fratrum usibus deputatis pedaguium uendam passagium laueagium seu aliam quamlibet consuetudinem exigere uel
extorquere presumant. Siqui aut(em) contra prohibitionem uestram uenire presumpserint eos a presumptione sua monitione premissa
non differatis per exco(mmun)icationis sententiam cohercere. et in terris eor(um) siquas habent om(n)ia diuina preter baptisma paruulor(um) et
penitentias morientium prohibeatis appellatione remota officia celebrari. Ad hec quia sicut predicti fratres asserunt quidam p(res)b(ite)ri
et alij cl(er)ici uestre iurisdictionis in eccl(esi)is illis que pro excessibus in domum predictorum fratrum commissis sub interdicto
tenentur diuina celebrare presumunt eos si res ita se habet a sue presumptionis audacia per suspensionis et exco(mmun)icationis
sententiam app(e)ll(ati)one postposita compescatis. Dat(um) Lugdun(i) viij kal(endas) Septembr(is)
pontificatus n(ost)ri Anno Quarto.