Nicolaus et Gregorius cantores dictor(um) cantorum eccl(esi)e Wratislauien(sis) Iudices et Conseruatores specialit(er) a sede ap(osto)lica deputati Vniuersis et singulis d(omi)nis Abbatib(us) p(re)positis decanis Archidiaconis plebanis viceplebanis et eor(um) locaten(tibus) ceterisq(ue) eccl(esi)ar(um) p(re)latis et rectorib(us) ac clericis et notariis publicis p(er) ciuitatem et dioc(esim) Wratislauien(sem) et alibi vbiq(ue) constitutis ad quos p(re)sentes l(itte)re p(er)uenerint sal(u)t(em) in d(omi)no et mandatis n(ost)ris ymmo verius ap(osto)licis firmit(er) obedire. L(itte)ras s(an)ctissimi in x(pist)o p(at)ris et d(omi)ni n(ost)ri d(omi)ni Iohannis diuina p(ro)uidencia pape xxiij. eius vera bulla plumbea in cordula canapis more Romane curie impenden(ti) bullatas sanas et integras non viciatas non cancellatas nec in aliq(ua) sui p(ar)te suspectas sed o(mn)i prorsus vicio et suspicione carentes nobis p(ro) p(ar)te venerabilium viror(um) d(omi)nor(um) Abbatis et Conuentus monast(er)ii in Kamencz ordinis Cistercien(sis) Wratislauien(sis) dioc(esis) p(re)sentatas nos cum ea qua decuit reuerencia recepisse noueritis huiusmodi sub tenore. Iohannes ep(is)c(opus) seruus seruor(um) dei dilectis filiis p(re)posito s(an)cti spiritus et decano s(an)cte crucis Wratislauien(sis) eccl(esi)ar(um) ac cantori eccl(esi)e Wratislauien(sis) sal(u)t(em) et ap(osto)licam ben(edictionem). Ex p(ar)te dilector(um) filior(um) Abbatis et Conuentus monast(er)ii in Kamencz ordinis Cistercien(sis) Wratislauien(sis) dioc(esis) nobis oblata peticio continebat q(uod) nonnulli iniquitatis filii quos prorsus ignorant decimas redditus census terras possessiones prata pascua siluas molendina domos grangias et alia bona mobilia et immobilia ad d(ic)t(u)m monast(er)ium spectancia temere et maliciose occultare et detinere p(re)sumunt non curantes ea p(re)fatis Abbati et Conuentui exhibere in animar(um) suar(um) p(er)iculum et d(ic)ti monast(er)ii non modicum detrimentum. Sup(er) quo iidem Abbas et Conuentus ap(osto)lice sedis p(ro)uideri sibi remedio humilit(er) implorarunt. Quocirca discrecioni v(est)re p(er) ap(osto)lica scripta mandamus quatinus o(mn)es illos quos huiusmodi decimas redditus census terras possessiones prata pascua siluas molendina domos grangias et alia bona occultare et detinere p(re)sumpserint exco(mmun)icacionis sentenciam p(ro)mulgetis et faciatis eam vbi et quando expedire videritis p(er) vos vel alium seu alios publice nunciari et ab o(mn)ib(us) arcius obseruari donec p(re)fatis Abbati et Conuentui de p(re)missis plenarie satisfecerint et ad sedem ap(osto)licam cum l(itte)ris v(est)ris rei veritatem continentib(us) accesserint absoluendi. Dat(um) Rome apud s(an)ctum petrum v. Idus Ianuarii pontificatus n(ost)ri anno p(ri)mo. Post quar(um) quidem l(itte)rar(um) ap(osto)licar(um) p(re)sentacionem et recepcionem fuimus p(ro) p(ar)te d(ic)tor(um) d(omi)nor(um) Abbatis et Conuentus monast(er)ii in Kamencz p(re)dicti debita cum instancia requisiti quatinus ad execucionem d(ic)tar(um) l(itte)rar(um) ap(osto)licar(um) et contentor(um) in eisdem p(ro)cedere dignaremur. Nos igitur Iudices et Conseruatores p(re)fati volentes mandatum ap(osto)licum nobis in hac p(ar)te directum reuerent(er) exequi vt tenemur vobis o(mn)ib(us) et singulis in virtute s(an)cte obediencie et sub exco(mmun)icacionis pena q(uam) in vos et quemlibet v(est)r(um) ferimus in hiis scriptis districte p(re)cipiendo mandamus quatinus o(mn)es et singulos iniquitatis filios qui decimas redditus census terras possessiones prata pascua siluas molendina domos grangias et alia bona mobilia et immobilia ad d(ic)t(u)m monast(er)ium spectancia temere et maliciose occultare et detinere p(re)sumpserint in eccl(esi)is v(est)ris dieb(us) d(omi)nicis et festiuis inter missar(um) solempnia pulsatis campanis candelis accensis et in terram p(ro)iectis exco(mmun)icatos publice nuncietis et faciatis ab o(mn)ib(us) arcius obseruari donec p(re)fatis Abbati et Conuentui de p(re)missis plenarie satisfecerint et ad sedem ap(osto)licam cum l(itte)ris v(est)ris rei veritatem continentib(us) accesserint absoluendi. In cuius rei testimonium p(re)sentes l(itte)ras n(ost)ras siue p(re)sens publicum instrumentum p(er) notarium publicum infrascriptum subscribi et publicari mandauimus n(ost)ror(um)q(ue) sigillor(um) appensione fecimus communiri. Dat(um) et actum in Wratislauia in domo habitacionis n(ost)re anno a natiuitate d(omi)ni millesimo quadringentesimo quintodecimo indiccione octaua die vero quinta mensis decembris pontificatus s(an)ctissimi in x(pist)o p(at)ris et d(omi)ni n(ost)ri d(omi)ni Iohannis diuina p(ro)uidencia pape xxiij. anno sexto. P(re)sentib(us) ibidem honorabilib(us) et discretis viris d(omi)nis Iohanne de Glogouia et Iohanne de Nissa clericis Wratislauien(sis) dioc(esis) testib(us) ad p(re)missa vocatis sp(eci)alit(er) et rogatis.

Et ego Iohannes de Glogouia clericus Wratislauien(sis) dioc(esis) publicus imp(er)iali auctoritate notarius quia p(re)missis o(mn)ib(us) et singulis dum sic vt p(re)mittitur agerentur et fierent vnacum p(re)nominatis testib(us) p(re)sens interfui eaq(ue) sic fieri vidi et audiui ideoq(ue) hoc p(re)sens publicum instrumentum manu mea p(ro)pria scriptum exinde confeci et in hanc publicam formam redegi signoque et nomine meis solitis et consuetis signaui rogatus et requisitus in fidem et testimonium o(mn)ium p(re)missor(um).