In nomine domini amen Hoc est exemplum seu transsumptum publicum cuiusdam patentis littere reuerendissimi in christo patris et domini domini Arnesti dei et apostolice sedis gratia sancte pragensis ecclesie Archiepiscopi sigilloque suo in cera rubea in quadam pergameni scedula appenden(ti) absque sigillace et manu Iohannis quondam Iohannis
de praga clerici wratislauiensis diocesis publici auctoritate Imperiali notarii subscripti signo et nomine consuetis signate et roborate in formam publici documenti sane salue et integre omnique prorsus vicio et suspicione carentis tenoris et sentencie infrascripte Cuiusdam vero sigilli oblungi figure de cera rubea siue glauca in pergameni scedula
appendebat in cuius sigilli medio sub quodam ciborio sculpato et aliquantulum eleuato quedam ymago infulata ac pontificalibus et pallio archiepiscopali seu pontificali induta residebat manu sua dextra tamquam ad benedicendum erecta et in sinistra tenens crucem siue baculum pastoralem ad adextris vero eiusdem ymaginis prout in eo medio quedam linea
plana et aliquantulum eleuata insecabat a sinistris vero quedam alium clipeum in cuius medio quidam ymago sculpta ad modum anterioris partis siue dimidii equi apparebat In circumferentia vero eiusdem sigilli talis titulus legebatur S(igillum) Arnesti dei gratia archiepiscopi sancte pragensis ecclesie preter hoc vero siue sigillo magno aliud paruum sigillum siue
contrasigillum siue secretum de cera rubea ad tergum fuit impressum in cuius medio due ymagines cum duabus arboribus quasi sculpte apparebant quarum ymaginum maior dextram manum siue ramum tenens in manu sua sinistra vexillum cum cruce et manu dextram tamquam ad benedicendum erectam alia vero ymago in modum genuflexis
manibus iunctis et sursum erectis ac si aliam adoraret ymaginem apparebat quoqueidam ymagines effigies sancti wenceslai sedens cum genuflectente designabant In cuius vero sigilli circumferentia premissa cruce talis titulus legebatur S(igillum) sigillum secreti mei Quamquidem litteram honorabilis vir dominus Iohannes Conoplath iudex et pre
sidens wratislauiensis ciuitatis canonicus siue tenens mandatum asserens se syndicum et procuratorem venerabilis et religiosi viri fratris Galli de Lemberg magistri cruciferorum cum rubea stella domus sancte matris ecclesie in wratislauia coram me Iohanne Iohannis presbitero et notario publico infrascripto et testibus infrascriptis produxit et presentauit petens per me no
tarium publicum infrascriptum eandem litteram exemplari seu transsumi perlegi et in formam publici documenti redigi Et attente prout hec et que supra sic mentio petita tenoris ipsius Nos Arnestus dei et apostolice sedis gratia sancte pragensis ecclesie Archiepiscopus tenore presentium omnibus quorum interest volumus fore notum Quod ad instanciam reuerendi
patris religiosi viri fratris pauli commendatoris cruciferorum ordinis sancti Iohannis Ierosolimitani quondam nobis litteras sanctissimi in christo patris et domini domini Clementis pape sexti eius vera bulla in filis sericis pendentibus bullatas non cancellatas non rasas nec viciatas ymmo prorsus omni suspicione carentes exhibuit supplicans nobis humiliter cum asseritur
ipsas auctentica manu transsumi faceremus et ipsi transsumpto auctenticam manu annectere intencionem et decernere Tenor vero harum apostolicarum litterarum sequitur sub hac forma Clemens episcopus seruus seruorum dei ad perpetuam rei memoriam licet sacre ac hospitalis et alia pia loca terrarum per uniuersum orbem diffusa sedi apostolice
que super illa obtinet principatum disponente domino sint subiecta sedes tamen eadem nonnulla propter eorum hospitalis et aliorum piorum locorum eorumque personas prout expedit specialibus subdit et ab eorum ordinariorum quibuslibet eximentes statuit ac statuendo pia sorte liberat et exempta Quamuis igitur per peticionem dilectorum filiorum magistri et fratrum hospitalis
sancti Iohannis Ierosolimitani nuper nobis exhibitam continebat ipsi hospitali cum prioratibus preceptoriis domibus ecclesiis et aliis membris suis eidem hospitali subiectis ubilibet constitutis ab olim repuntatum fuisse et ad huc eciam reputari commune fore a iurisdictione quibuslibet Iudicum ordinariorum exemptum ac soli immediate
eidem sedi apostolice subiectum cum personis degentibus in eisdem idem tamen magister et fratres nobis humiliter supplicarunt ut ad vitandum ambiguitates molestias ac inquietationes materiam que ipsis contra libertatem exemptionis cuiusdam possit inferri et ut quietius prelia tollantur contra eos occassio malignandi et ut ipsi magistri et fratres qui contra hostes fidei
viuant hactenus exposuerunt et exponunt iugiter se et sua possint hospites viros in vltramarinis partibus et alibi libentius inuitare ipsum hospitalem cum suis prioratibus preceptoriis domibus ecclesiis et aliis membris et personis predictis preiudicio eorum priuilegio hospitalis et membrorum ac pariter in quibuslibet personis degentium in eisdem
eximere totaliter a iure ipsorum ordinariorum Nos igitur premissis omnibus diligenter attentis volentes ipsos magistrum et fratres ac membra et personas eorundem paci et tranquillitati salubriter prouidere ipsosque prerogatiua specialis fauoris et gratie communire huiusmodi supplicationibus inclinati magistrum et fratres predictos ac sorores et donatos qui in eodem magistri
obedientia et eorum solempniter fecerint et emiserint consuetam obedientiam ouestantes sub regulari obseruantia eorundem ac ipsum hospitale cum eorum prioratibus preceptoriis domibus grangiis ecclesiis capellis et aliis membris suis presentibus et futuris ab omni ordinaria iurisdictione dominio et visitatione ac subiectione qualibet omnium et singulorum patriarcharum
archiepiscoporum episcoporum et aliorum quorumlibet prelatorum et officialium eorundem auctoritate apostolica penitus eximimus et eciam in perpetuum liberamus illaque magistrum et fratres ac preterea hospitalem et eadem membra et personas in sub eadem speciali et immediata protectione suscipientes ex certa scientia decernimus hospitalem cum prioratibus preceptoriis domibus
grangiis ecclesiis oratoriis et aliis membris huiusmodi et personas predictas soli et immediate sedi apostolice subiectas eidem locorum ordinariis in magistrum fratres ac hospitale preceptoria domos grangias ecclesias oratoria et alia membra et personas huiusmodi non posse prorsus exequi nec possint auctore ordinaria excommunicationis suspensionis aut interdicti sententias promulgare uel alias
etiam iurisdictionem uel quasi seu dominium uel quasi in eos de cetero exercere decernentes irritum et inane quicquid in contrarium uel quasi per quoscumque uel quauis auctoritate scienter uel ignoranter contigerit attemptari seu iurisdictionem aliquo quolibet exercere saluis recordationis Innocentii pape iiii predecessoris nostri circa exemptionis edita que incipit volentes et aliis constitutionibus apostolicis
in contrarium editis non obstantibus quibuscumque decernimus insuper magistrum et fratres eorundem in eorum possessionibus et rebus saluis et quietis persistere quibus et eorum grangiis ecclesiis et aliis membris quoad ea que contra animarum et fratrum ac hospitalis necnon prioratuum preceptoriarum domorum grangiarum ecclesiarum oratoriorum et aliorum membrorum ac personarum predictarum contra tenorem et formam
exemptionis huiusmodi quolibet promulgari et hec gaudere intus et inanes volumus tamen quod magister et fratres predicti pro vnam marcam auri in festo beatorum apostolorum petri et pauli singulis bienniis camere apostolice soluere teneantur ad iudicium perpetue a nobis huiusmodi libertatis quod per priuilegia exemptionis et alia super hiis libertatibus priuilegiis et immuni
tatibus aliis magistri et fratris et hospitalis predicti nullum preiudicium generetur quinimmo volumus quod illa in sua plena remaneant firmitate per premissa enim et eorum aliquod diocesanis et quibusuis aliis quoad ea que ad iurisdictionem eorundem in eisdem parochialibus quantum ad ea que circa
animarum curam et curam parochialem et iura hospitalis eiusdem spectant necnon quoad iusticiam et percipiendum decimas nullum volumus preiudicium generari Nulli ergo omnino hominum liceat hanc paginam nostre exemptionis liberationis protectionis constitutionis et voluntatis infringere uel ei ausu temerario contraire Si quis au
tem hoc attemptare presumpserit indignationem omnipotentis dei et beatorum petri et pauli apostolorum eius se nouerit incursurum Datum Auinion xv kalendas maii pontificatus nostri Anno quarto Nos igitur Arnestus archiepiscopus supradictus rite considerantes quod hec huiusmodi originales non sine grandis periculi formidine ad diuersa loca
coram locorum ordinariis eorum officialibus seu delegatis ab ipsis possint propter viarum discrimina tuendo pro parte dictorum fratrum de Lemberg exhiberi ob hoc ipsius fratris pauli iustis et fauorabilibus annuentes precibus has litteras in exemplum sumi et transsumi videlicet de huiusmodi collatione diligenti prius transsumpti ad huiusmodi litteras originales
inuenimus ipsas cum originalibus hiis concordare per omnia nullo mutato addito uel subtracto quod sensum mutet uel viciet intellectum Auctoritate eidem transsumpto auctenticam manu interponenda decernimus ut perinde in iudiciis et extra coram quibuscumque iudicibus ordinariis
uel delegatis stetur per omnia fides adhibeatur plenaria tamquam si originales hec apparerent In cuius rei testimonium sigilla nostra presentibus sunt appensa Datum prage in curia nostra archiepiscopali Anno domini millesimo trecentesimo quinquagesimo secundo die xxvii mensis Augusti presentibus honorabilibus viris domino vito decano ecclesie sancti viti
pragensis cancellario nostro ac discreto viro religiosi viris fratre Iohanne priore et wenceslao cantore wratislauiensis monasterii seu ciuitatis in domo fratrum predicte domus sancte crucis wratislauiensis Iohanne notario infrascripto ac certis pluribus fidedignis Subscriptio vero notarii per omnia talis erat Et ego Iohannes quondam Iohannis
de praga clericus wratislauiensis diocesis publicus auctoritate Imperiali notarius premissis omnibus et singulis una cum prescriptis testibus presens interfui ac ea sub sigillo dicti domini archiepiscopi manu propria scripsi subscripsi et me cum signo meo consueto in testimonium omnium premissorum Item sunt hec transsumpta in ciuitate wratislauiensi ante consistorium wratislauiense
facta in domo notarii huius quasi sexta Anno domini millesimo trecentesimo sexagesimo Indictione xiii pontificatus sanctissimi in christo patris et domini domini Innocentii pape vi anno octauo presentibus discretis viris Iohanne de agnetisglocz et petro de tyssia clericis de ossenburg testibus vocatis publice et pluribus aliis fidedignis testibus ad premissa vocatis pariter et rogatis

Et ego Iohannes quondam gregorii clericus ciuitatis wratislauiensis publicus auctoritate Imperiali notarius prescriptam litteram exemplatam et transsumptam fideliter nil addendo nec minuendo preterquam forte litteram uel sillabam quod sensum mutet uel viciet intellectum quod quia feci diligenti collatione de
premissis exemplis seu transsumptis ad originale prescriptum inueni bene et recte per omnia concordare Ideo ad instantiam peticionis et requisitionis honorabilis viri domini Iohannis conoplath syndici et procuratoris predicti me hic subscripsi et in formam publicam redegi meoque signo et nomine solitis signaui
in fidem et testimonium omnium prescriptorum Constat michi notario prescripto de hac dictione litteram posita in fine quinte decime linee a principio numerando quod non sit viciata quia sed erroris