Nos Joannes Abbas monasterii Beate Marie virginis ad Scotos Vienne ordinis Sancti Benedicti universis et singulis ad quos presentes littere sive presens publicum instrumentum pervenerint salutem in domino
noveritis quod nos de mandato et commissione reverendissimi in Christo patris et domini domini Petri tituli Sancti Praxedis sacrosancte Romane ecclesie presbyteri cardinalis domini pape in spiritualibus vicarii generalis ad infrascripta specialiter deputati
nobis factis habentis tenorem in hec verba Petrus miseratione divina tituli Sancte Praxedis sacrosancte Romane ecclesie presbyter cardinalis domini pape in spiritualibus vicarius generalis dilecto nobis in Christo patri domino abbati monasterii
Scotorum in Vienna ordinis Sancti Benedicti Pataviensis diocesis salutem in domino Cum sicut dilecti nobis in Christo magister et fratres hospitalis Sancti Joannis Jherosolimitani in partibus Alemanie constituti nobis exposuerunt ipsi habeant
nonnulla privilegia indulta et litteras apostolicas a diversis Romanis pontificibus predecessoribus domini nostri pape et ab ipso domino nostro papa eis et eorum ordini ac hospitali concessa que propter viarum pericula et alia
impedimenta ad partes illas in quibus ipsi magister et fratres morantur commode deferre nequeunt et si deferrentur de facili possent deperire vel amitti Nos igitur eorum supplicationibus inclinati
vobis committimus et mandamus quatenus privilegia indulta et litteras huiusmodi si vobis presentata fuerint diligenter inspiciatis et examinetis et si ea vera et non viciata nec in aliqua sui parte suspecta
inveneritis de ipsis transumpta in publica forma per notarium publicum fieri faciatis et ea sigillo vestro muniatis decernentes ut transumptis ipsis plena fides adhibeatur in iudicio et extra ubi
illa exhibita fuerint vel ostensa Datum Rome apud Sanctum Petrum sub sigillo vicariatus nostri anno incarnationis dominice millesimo quadringentesimo quinquagesimo primo die vero decima mensis
Novembris pontificatus domini Nicolai pape quinti anno quinto Nos igitur abbas prefatus volentes mandato huiusmodi reverenter obedire ut tenemur privilegia indulta et litteras apostolicas
huiusmodi nobis per venerabilem virum dominum Johannem de Schowenburg militem ordinis Sancti Joannis Jherosolimitani preceptorem in Mailberg et commendatorem in Vienna presentata et exhibita
diligenter inspeximus et examinavimus et quia illa vera et non viciata nec in aliqua sui parte suspecta invenimus de ipsis transumpta in publica forma per notarium publicum infrascriptum
fieri fecimus et ea sigillo nostro munivimus decernentes ut transumptis ipsis plena fides adhibeatur in iudicio et extra ubi illa exhibita fuerint vel ostensa Tenor vero
privilegiorum indultorum et litterarum apostolicarum de quibus supra fit mentio sequitur et est talis Nicolaus episcopus servus servorum dei dilectis filiis magistro et fratribus hospitalis
Sancti Joannis Jherosolimitani in partibus Alemanie constitutis salutem et apostolicam benedictionem Cum a nobis petitur quod iustum est et honestum tam vigor equitatis quam ordo exigit rationis
ut id per sollicitudinem officii nostri ad debitum perducatur effectum Eapropter dilecti in domino filii vestris iustis postulationibus grato concurrentes assensu omnes libertates et immunitates
a predecessoribus nostris Romanis pontificibus sive per privilegia vel alias indulgentias vobis et hospitali vestro concessas necnon libertates et exemptiones secularium exactionum a regibus
et principibus ac aliis Christi fidelibus rationabiliter vobis indultas sicut eas iuste et pacifice obtinetis vobis et per vos eidem hospitali auctoritate apostolica confirmamus et presentis scripti
patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit
indignationem omnipotentis dei et beatorum Petri et Pauli apostolorum eius se noverit incursurum Datum Rome apud Sanctum Petrum anno incarnationis dominice millesimo quadringentesimo
quinquagesimo primo decimo kalendas Decembris pontificatus nostri anno quinto In quorum omnium et singulorum fidem et testimonium premissorum presentes litteras sive presens publicum
instrumentum exinde fieri et per notarium publicum infrascriptum subscribi et publicari mandavimus sigillique nostri appensione fecimus communiri Datum et actum Vienne in
monasterio nostro predicto in loco capitulari eiusdem anno a nativitate domini millesimo quadringentesimo quinquagesimo secundo indictione quintadecima die vero decima mensis
Februarii pontificatus sanctissimi in Christo patris et domini nostri domini Nicolai divina providentia pape quinti anno quinto presentibus ibidem honorabilibus et discretis viris
dominis Johanne de Wienna et Nicolao de Sancto Gallo presbyteris Pataviensis et Constantiensis diocesium testibus ad premissa vocatis specialiter et rogatis
Et ego Johannes de Wienna clericus Pataviensis diocesis publicus imperiali auctoritate notarius quia premissis omnibus et singulis dum sic ut premittitur agerentur et fierent
una cum prenominatis testibus presens interfui eaque sic fieri vidi et audivi ideoque hoc presens publicum instrumentum manu alterius fideliter scriptum exinde
confeci subscripsi et publicavi et in hanc publicam formam redegi signoque et nomine meis solitis et consuetis signavi in fidem et testimonium
omnium et singulorum premissorum rogatus et requisitus