1559. Q.
Frater Don Raymundus de Perellos et Rocafull Dei gratia sacrae domus Hospitalis
Sancti Ioannis Hieros(olimitani) et Militaris ordinis Sancti Sepulchri Dominici Magister
humilis Pauperumque Iesu Christi Custos. Vniuersis et singulis praesentes nostras litte
ras uisuris lecturis et audituris salut(em). Notum facimus et in uerbo ueritatis attestamur qual(iter)
infrascripta bulla extracta fuit ex libro Bullarum in Cancell(ari)a n(ost)ra conseruato in quo
similes notari et registrari solent qua(m) quidem in hanc publicam formam extrahi, et
redigi iussimus ubiubique tam in Iudicio quam extra semper eidem plena, et indubitata
fides adhibeatur Cuius tenor est qui sequitur uidelicet.
Frater Ioannes de Valleta et Totus Conuentus domus eiusdem omnibus et singulis
has n(ost)ras litteras inspecturis salutem et felicitatem. Bonus, et fidelis pastor gregem
suum cognitum, et numeratum habere debet (Inquit Christus) et grex uicissim
pastorem: in eoque conseruando magnam curam, et diligentiam adhibere nedum
illum uagum et deuium a pastore derelictum Lupi rapaces inuenerint inuadat
disperdant dilanient ac in praedam sibi uertant, quum itaque superioribus annis
praedecessoribus nostris magistris scilicet felicis memoriae fratribus Ioanni de Homedes
et postea Claudio de la Sengle relatum esset ut ipsi re certa cognouissent res nostras
in Prioratu Staconicensi in eum statum, et conditionem deuenisse ut fratres ordinis n(ost)ri
sub eodem commorantes quasi sui iuris effecti non nostris legibus sed proprijs sensibus
uiuerent statutis Prioratus et Commendas ac Bona in illis partibus ordini nostro
pro Rei publicae Christianae defensione ascripta, et dicata (norma nostrae Religionis antiqua
quibus astricti sunt neglecta et relicta) inter sese conferrent, et diuiderent paru(m)
aut nihil in subsidium nostri ordinis publicum conferentes, eoque bona (quod
peius erat) etiam saecularibus cederet et in prophanos usus conuerterentur
quae sacris operibus et diuinis ab antiquo erant dicata officijs. Huiusque rei ini
tium, et quasi seminarium fuisse quondam antiqua a bonae memoriae fratre Ioanne
de Lastico tunc ordinis nostri magno magistro, et Conuentu per fratrem Iodocum
de Rozemberg Prioratus ipsius Staconicensis tunc temporis Priorem impetrata
permissio et concessio, sub id tempus quo impia, et execrabilis Hussitarum haeresis
totum Bohemiae Regnum infestabat ac in nostros Com(menda)t(or)es, et bona crudeliter