Religiosi in Christo nobis char(issi)mi sal(ute)m: Intellecto non sine magno animi nostri
merore obitu ven(erandi) fr(atr)is nostri Vincislaij Hasij ab Hasemburg Prioris Boemiæ,
statim iussimus fratribus ven(eran)dæ lingua Alemaniæ hic residentibus, quorum
hoc seorsum interest, ut simul congregati de noua prouisione, et collatione prefati
Prioratus inuicem agerent, atq(ue) perspicerent, quare cum ipsi post maturam
considerationem literis ad uos perscriptis quid uobis in hoc negocio faciendum esset
decernerent, nobis rationi admodum congruu(m) uisum fuit eoru(m) prolixiori bus
literis has nostras breuiores adiungere, quibus uos omnes enixe in d(omi)no hortamur
et pro nostra Magistrali authoritate uobis precipimus, ut tum sacræ ac religiosæ
uestræ professionis, tum etia(m) eoru(m), quæ superioribus annis per dictu(m) ven(erandum) Priorem
hic in conuentu presentem de uera ac debita obedientia huic ordini prestanda
promisistis, solemni interueniente iureiurando memores, omni altercatione, dissen=
sione, ac dilatione remota, imo omni concordia, fraternitate, et amore, quo hunc
sacrum ordinem omnes prosequi decet adhibitis, quamprimu(m) statuatis iuxta
dictaru(m) literaru(m) tenorem, ac legum n(ost)raru(m) seriem de eo in Priorem eligendo,
qui ætatis ac annoru(m) grauitate uestro iudicio prestantior habeatur, ne
imposteru(m) hæc nostra eligendi au(c)t(orit)as ab alienis usurpetur, id enim
in ordinis omniu(m)q(ue) uestrum maximu(m) honorem, et comodum redundabit, et nos
pro uiribus uos iuuare no(n) recusabimus, quin omnem n(ost)ram opem, auxilium
et fauorem libentissime impendemus: Jd circo cu(m) Nunciu(m) nostrum iam ad hoc
in animo nostro destinatum ad sacra(m) Cæs(aream) Maiestatem, et ad Proceres Regni
Boemiæ, una cu(m) comendatitijs epistolis tam sumi Rom(ani) Pontificis, ac Catholicæ
Ma(iestat)is, quam aliorum Principum statim mittemus. Jnterea frem n(ost)rum Bartho=
lomeu(m) Logum electum nostri ordinis Receptorem in Boemia maiori qua potuerit
diligentia se conferre uoluimus, tum ut has n(ost)ras literas fideliter uobis in publica
Assemblea reddat, tum et(iam) ut pro n(ost)ro comuni ærario iuxta nostri ordinis statuta
et priuilegia atq(ue) conuentionem siue contractum uestris manibus sigillis ac
iurame(n)to uallatu(m), et munitu(m), cuius exemplar in authentica forma secum affert,