Ich Christan hern Eberhartes sun von dem Hove und ich Gerdraut sein hawsfrowe wir veriehen und tun
chunt allen den die disen prief lesent oder horent lesen die nu lebent und hernah chunftich sint daz wir
mit unser erben gutem willen und gunst und mit gesamter hant zu der zeit do wir iz wol getun mohten ze
rehtem wider wehsel geben haben dem erbarn manne pruder Perhtolden von Saltzza zu den zeiten Commen-
deur und der samnunge gemaine des Gothawses da ze Mewsperge unsers rehten aigens da ze Reinherstorf
ane dreizzich phenninge geltes vierdehalp phunt wienner phenninge geltes also beschaidenlichen daz si da mit fur
baz allen irn frumen schaffen verchawffen versetzzen und geben swem sie wellen an allen irrsal und dar umb so habent uns
der vorgenant pruder Perhtolt von Saltzza und die samnunge gemaine von Mewsperge ze rehtem wider
wehsel her wider gigeben irs rehten aigens da zu dem Hove ane dreizzich phenninge geltes vierdehalp phunt
wienner phenninge geltes also mit awz genomer rede daz wir da mit allen unsern frumen furbaz schaffen verchawf
fen versetzzen und geben swem wir wellen an allen irrsal und dar uber durch pezzer sicherhait so setzzen
wir uns ich vorgenanter Christan und ich Gerdraut sein hawsfrowe dem vorgenanten pruder Perhtolden und
der samnunge gemaine da ze Mewsperge uber die vorgesprochen gulte da ze Reinherstorf ze rehtem scherme
fur alle ansprache als aigens reht ist und des landes reht ze Osterriche und awch also mit beschaidner rede swaz
in mit rehte an der gulte da ze Reinherstorf ab get daz suln sie haben awf der gulte da zu dem Hove die sie
uns ze rehtem wider wehsel dar umb geben habent und geben dar uber ich Christan und Gerdraut des vorge
nanten Christans hawsfrowe dem vorgesprochen pruder Perhtolden von Saltzza und der samnunge gemaine
von Mewsperge disen prief ze ainem stetigen urchunde und ze ainem offen gezeuge und ze ainer ewigen vestnun
ge diser sache versigelten mit unsern Infigil und sint awch des gezeug pruder Eberhart zu den zeiten Commendeur
ze Loh pruder Hainrich zu den zeiten Commendeur des Gothawses sand Johannes da ze wienne pruder Frid
rich mein vater her Eberhart von dem Hove und meine pruder Einweich und Eberhart und ander frume leu
te genuch den dise sache wol chunt ist diser prief ist geben ze wienne do von Christes geburt waren ergan
gen drevzehen hundert Jar In dem sibenten Jare dar nah des nahsten mittichens vor phingsten