FRater Iohannes a Wartembergk et in Strackonitz ordinis militiæ diui Iohannis Baptistæ Hierosolymitani per Bohemiam, Morauiam
Slesiam, Poloniam, Austriam, Styriam, Carinthiam et Carniolam Prior generalis et Magister, Reuerendo et Gene-
roso d(omi)no Reimperto Baroni de Eberstorf eiusdem ordinis nostri militi Strennuo et fratri nobis in Christo sincere dilecto,
Salutem, piamq(ue) mentem in fraterna charitate. Religionis Zelus, vitæ et moru(m) honesta, virtutumq(ue) merita, necnon officia ordi-
ni nostro exhibita, quibus apud nos et nostram præclarissimam militiam Generositas tua plurimum comendatur, efficiunt, ut de
nostra auctoritate ad liberalitatem erga Generositatem tuam redderemur inclinatiores, ^3w^ parum spei concipientes, q(uo)d in concesso
tibi regimine, ad honorem Sacri nostri ordinis viuendo, in spiritualibus ad laudem Dei O(ptimi) Max(imi) et edificationem proximor(um), necnon
in temporalibus hospitalitatis diligens administratio, nobis et celeberrimæ militiæ nostræ G(enerositatem) tuam magis ac magis reddet comen-
datiorem. Eapropter Reuerende et Generose d(omi)ne Reimperte Baro miles et frater in Christo nobis sincere dilecte, Officij nostri
auctoritate qua fungimur, et virtute præsentium tuam Generositatem in Præceptorem et Commendatorem Domus Præceptoriæ seu
Comendæ nostræ in Mailpergk creamus et confirmamus, eandemq(ue) tuæ G(enerositati) conferimus, tuæ curæ fideiq(ue) committimus, cu(m) omnibus
suis membris, iuribus, libertatibus, Priuilegijs, Prouentibus, accidentijs et quibuslibet pertinentijs ad eandem Domum seu Com-
mendam Mailpergk spectantibus, uel spectare et pertinere debentibus, ad habendam, tenendam, regendam et utifruendam, tam
in spiritualibus quam in temporalibus, tam in Capite q(uam) in membris, ad tempora dumtaxat G(enerositatis) tuæ vitæ, et hoc sub annua pen-
sione seu Responsione iuxta comunem ritum aliar(um) Præceptoriar(um), et taxam ueterem nobis et comuni ordinis nostri thesauro solui
consueta, quam sine omni dilatione singulis annis infallibiliter circa festum Diui Iohannis Baptistæ Patroni et tutelaris nostri
soluere tenebitur, sub pœna et mulcta Stabilimentis in(stituti) ordinis expressa et ^3w^ appositis et imponendis. Præterea
omnibus et singulis ordinis nostri fratribus, Donatis, Parochis, Seruis, Subditis ^3w^ locatis in iamdicta Comenda seu Præ-
ceptoria existentibus et ad eam spectantibus uel spectare et pertinere debentibus, in virtute sanctæ obedientiæ et iuramento fi-
delitatis et homagij, quibus nobis et dicto ordini nostro estis astricti, præcipientes mandamus, q(ua)tenus dicto d(omi)no Reimperto
Baroni fr(atr)i n(ost)ro charissimo, tanq(uam) uero Præceptori et Comendatori uestro, nobis rite et legittime præfecto, in omnibus concer-
nentibus ordinis nostri honestatem, vtilitatem et comodum pareatis, obsequundetis, et si aliq(ua) necessitas postulauerit
manus porrigatis adiutrices. Insuper dilectissime frater G(enerositas) tua in virtute sanctæ et illibatæ obedientiæ, et uoto sancto Io-
hanni Baptistæ Patrono et tutelari nostro, principio deniq(ue) Deo, Superioribusq(ue) tuis emisso et præstito, Præcipientes mandamus
ne prætextu eiusmodi collationis et confirmationis nostræ, G(enerositas) tua quicq(uam) de bonis aut iuribus ordinis nostri ad Domu(m) seu
Comendam tuæ G(enerositati) concessam spectantibus et pertinentibus, uel spectare et pertinere debentibus, quocunq(ue) colore quæsito alienet
dissipet, distrahat, det, permulet, uendat, locet, impignoret, uel in Emphiotesim perpetuam concedat. Si uero G(enerositas) tua
aliquid eiusmodi contra hanc nostram inhibitionem (q(uo)d no(n) confidimus) attentare præsumpserit, extunc prout exnunc et
exnunc prout extunc, ea omnia et singula cassamus, anullamus, irrita facimus, decernimus inania et prorsus nullius
existere efficaciæ uel valoris. In quor(um) om(nium) suprascriptor(um) testimoniu(m) robur et firmitatem Sigillum Officij nostri hisce lit-
teris est appensum. Dat(um) Viennæ die duodecima Mensis Decembris Anno Domini Millesimo Quingentesimo Tri-
gesimo Octauo.