F R A T E R Claudius de la Sengle dei gratia sacre domus hospitalis sancti Joannis hierosolymi(tani) mag(iste)r humilis pauperu(m)q(ue) Jesu xpi custos. Et nos Conuentus domus
eiusdem Vniuersis et singulis p(rese)ntes n(ost)ras l(itte)ras uisuris lecturis et audituris salutem pariterq(ue) sit notum q(uod) nos ad sonum Campane congregati more et loco solito tractantes inuicem et consultantes
de communibus n(ost)ris negotijs de n(ost)ra omnium certa scientia et spontanea uoluntate ac omnibus melioribus via, modo, iure et forma quibus melius et ualidius facere possumus et debemus, citra tamen reuo
cationem aliorum procuratorum per nos hactenus constitutorum Jnuicem maturo et deliberato consilio facimus constituimus et solemniter ordinamus n(ost)rum verum certum, legitimum et indubitatum
procuratorem, actorem, negotiorumq(ue) infrascriptorum gestorem ac nuncium specialem et generalem, Jta tamen q(uod) specialitas generalitati non deroget nec econtra, V(idelicet) Religiosum in christo
nobis charissimum fr(atr)em Ludouicum Baro de bel Villier Prioratus n(ost)ri Alemanie militem absentem tanq(uam) p(rese)ntem specialiter et expresse, ad n(ost)ro n(ost)req(ue) Religionis nomine supplicandu(m) Serenissimo
Romanorum ac Hungarie Regi, ut solita clementia res n(ost)ras suo benigno fauore prosequatur, collationes et donationes de Prioratibus, Baiuliuatibus, Commendijs ac beneficijs n(ost)ris a nobis factas
vel faciendas ratas habeat et defendat suumq(ue) sortiri effectum patiatur et mandet, amotis quibuscunq(ue) dictorum n(ost)ror(um) beneficiorum, qui fuerint illicitis detentoribus, necnon apud R(euerendissi)mos
prelatos, Jll(ustrissi)mos duces, comites, barones et g(e)n(er)osos oratores et quoscunq(ue) magistratus et officiales in dicta curia residentes itidem instandum ut rebus ordinis n(ost)ri faueant et ea que pro t(em)p(or)e
impetrauerit a dicta serenissima maiestate uel alias expeditioni et exequutioni mandari Jubeant, uelint et curent. Jtem ad no(m)i(n)e n(ost)ro n(ost)riq(ue) Thesauri et Religionis in Prioratu nostro
Bohemie petendum, habendum et exigendum a Ven(erabili) Priore dicti prioratus, Baiuliuis, Precep(tori)bus et fribus ac alijs intra limites Prioratus ipsius constitutis n(ost)ri ordinis beneficia possidentibus seu
possessuris omnia et singula arreragia et debita per supradictos hactenus contracta et pro tempore contrahenda erga dictum n(ost)rum Thesaurum ac Religionem, etiam spolia hereditates et bona
fratrum indies decedentium et qui decesserunt ac iura mortuariorum et vacantium et similiter passagia fratrum Jtem responsiones et quecunq(ue) onera etiam super eisdem imposita et imponenda et g(e)n(er)aliter
omnes pecuniarum summas et quecunq(ue) bona a quocunq(ue) et quauis de causa nobis n(ost)roq(ue) dicto thesauro et Religioni debita et in futurum debenda et se recepisse confitendum, atq(ue) de receptis tantum quie
tandum, absoluendum et liberandum, quietantias perpetuo valituras faciendum et fieri mandandum et secundum uoluntatem n(ost)ram disponendum, Necnon pro his et horum ratione coram p(re)fata
serenissima ma(ies)t(at)e, Jll(ustrissi)mis Principibus, ducibus, dominis ac quibuscunq(ue) magistratibus tam ecclesiasticis q(uam) temporalibus, si opus fuerit, comparendum, et iusticie complementum, priuilegiaq(ue) immunitates
et libertates ordinis n(ost)ri seruari petendum et postulandum Vnum quoq(ue) uel plures procuratorem seu procuratores cum pari uel limitata potestate substituendum et eundem seu eosdem
quotiescunq(ue) opus fuerit reuocandum, p(rese)nti procuratorio nihilominus in suo robore duraturo Dantes et concedentes dicto n(ost)ro procuratori et ab eo substituendis in premissis et quolibet
eorundem plenam, liberam et plenissimam authoritatem, facultatem, potestatem, totaliterq(ue) vices n(ost)ras quarum vigore ea possit facere, exequi et adimplere que nosmetipsi exequi et
adimplere possemus, si personaliter adessemus, etiam si specialius requirerent mandatum q(uam) p(rese)ntibus sit expressum. Et ne dictus procurator, qui publici commodi gratia, non
paruos subiturus est labores premissis attentis incumbat, volumus et decernimus gaudeat et fruatur, durante h(uius)mo(d)i procuratorio, illa ex eadem et antianitatis et residentie preroga
tiua qua frueretur et gauderet si personaliter in Conuentu n(ost)ro resideret. Promittentes bona fide habere ratum, gratum et firmum quicquid in premissis et circa premissa per eundem
procuratorem n(ost)rum et ab eo substituendos actum, gestum, impetratum, receptum, quietatum ue fuerit. Sub obligatione bonorum n(ost)rorum dicteq(ue) Religionis p(rese)ntium et futuror(um) In cuius
rei testimonium bulla n(ost)ra co(mmun)is plumbea p(rese)ntibus est appensa Datum Melite in Conuentu n(ost)ro die prima mensis martij Millesimo Quingentesimo quinquagesimo Quarto ab Jncarnatione.

[signature] R(euerendissi)mi d(omini) m(agistri)

[signature] M. Roias d(e) Portal(e) vicecanc(ellari)us