FRATER IOANES LEVESQVE DE LA CASSIERE
Dei gratia Sacre Domus Hospitalis Sancti Ioannis Hierosolymitani Magister humilis pauperumq(ue) Iesu xpi custos. Religioso in christo nobis charissimo Fratri Ioanni Tschetschau Metieben dicto, nostre dicte Domus
Prioratus Boemie Militi salutem in D(omi)no sempiternam. Praeclara uirtutu(m) tuarum merita, multiplicesq(ue) animi tui dotes, quibus insignitus dignosceris et apud nos comendaris, necnon laudabilia obsequia per te ordini n(ost)ro pre=
stita et que in futuru(m) te prestituru(m) confidimus, promerentur, ac nos inducunt ut te quib(us) possumus fauoribus et gratia prosequamur. Cum itaq(ue) ex forma Statutoru(m) n(ost)ror(um) et laudabili consuetudine ordinis n(ost)ri quolibet quinquen=
nio in singulis n(ost)ris Prioratibus et Castellania Emposte uigore n(ost)re preeminentie Mag(ist)ralis et superioritatis qua fungimur in n(ost)ro ordine unam Bailiam seu Comendam n(ost)ro arbitrio acceptandam Fratri nobis beneuiso conferre possimus.
HINC EST q(uod) premissorum meritorum tuorum contemplatione suasi Bailiam seu Comendam n(ost)ram de Meilperg in austria dicti Prioratus Boemie per obitum quon(dam) f(rat)ris Christophori Sigismundi Romer de Muretz ultimi leg(iti)mi dicte Com=
mende de Meilperg Comendatarij et possessoris siue hoc siue alio quouismodo aut ex alterius cuiuscunq(ue) persona uacantem presentialiter et ad n(ost)ram collationem donationem et omnimodam dispositionem spectantem et deuoluta(m),
cum omnibus et singulis suis membris predijs iuribus et pertinentijs uniuersis ad ipsam spectantibus et pertinentibus, seu spectare et pertinere debentibus quoquomodo et cum quibus illam dictus quon(dam) frater Christophorus Sigismu(n)=
dus Romer de Muretz habuit tenuit et possedit, siue habere tenere et possidere quomodol(ibe)t debuit, habendam tenendam possidenda(m) regendam augmentandam et melioranda(m) in spiritualibus et temporalibus tam in capite q(uam) in membris.
sub annua solutione iurium et quorumcunq(ue) onerum comunis Erarij ordinis n(ost)ri impositorum et imponendorum secundu(m) comunem cursu(m) aliarum Baiuliarum seu Comendarum dicti Prioratus in Cap(itu)lo prouinciali Prioratus eius=
dem uel in festo S(anc)ti Ioanis bapt(ist)e de mense Iunij per te annis singulis infallibiliter exoluendorum. saluo etia(m) et reseruato iure mortuarij et uacantis. Insuper auct(oritat)e nobis in g(e)n(er)ali cap(itu)lo concessa, retenta et reseruata super fructib(us)
et reditibus dicte comende de Meilperg annua pensione octuaginta scutorum n(ost)ro arbitrio danda constituenda et assignanda. N(ost)ris in defectu solutionis om(n)i(um) secundum seriem et tenorem stabilimentoru(m) ordinationum consuetudinum, et
constitutionum capitulorum g(e)n(er)alium super solutione iurium Erarij eiusdem editarum et promulgatarum de dicta comenda expresse precipimus prouideri. (collatione om(n)i(um) de dicta Comenda tibi facta in aliquo non obstante). De n(ost)re certa
scientia et speciali gratia tenore p(rese)ntium ad annos Decem continuos et completos et ultra ad n(ost)r(u)m n(ost)riq(ue) conuentus beneplacitum tibi conferimus concedimus et donamus benefaciendo in eadem. Teq(ue) Comendatarium in illa constituimus,
et ordinamus. Committentes Tibi circa curam regimen et administrationem ac omnimodam dicte Comende bonorumq(ue) et iurium eius defensionem et recuperationem tam in agendo q(uam) defendendo harum serie uices n(ost)ris. Quocirca Vniuersis et
singulis fratribus sororibus et Donatis in uirtute sancte obedientie ac hominibus Vassallis et quibusuis alijs nobis subditis in dicta comenda constitutis p(rese)ntibus et futuris sub sacramento fidelitatis et homagij quo nobis et religioni n(ost)re sunt
astricti precipimus et mandamus ut tibi tanq(uam) eorum superiori et Comendatario reuerenter pareant, obediant, et intendant, tibiq(ue) prebeant auxilium consilium et fauorem in omnibus concernentibus utilitatem dicte Comende quotiescunq(ue)
opus fuerit, et eos duxeris requirendos. Necnon Vniuersis et singulis dicte Domus n(ost)re fratribus quacunq(ue) autate dignitate officioq(ue) fungentibus p(rese)ntibus et futuris mandamus ne contra p(rese)ntes n(ost)ras l(itte)ras aliquatenus facere uel uenire presumat
quinimo iuxta earum mentem studeant inuiolabiliter obseruare. Atq(ue) cuicunq(ue) fratri ordinis n(ost)ri super hoc primitus requisito mandamus ut te uel procuratore(m) tuum in pacificam et quietam dicte Comende possessionem inducat et
inductum conseruet, omni penitus contradictione remota. Amoto ab eadem quolibet illicito detentore (quis fuerit) quem nos tenore p(rese)ntium amouemus, et decernimus firmiter amouendum. Inhibentes tibi in uirtute sancte obedien=
tie ac sub pena stabilimentor(um) contrafacienti inflicta ne pretextu donationis n(ost)re om(n)i(um) aliqua uel aliqua de rebus bonis iuribus predijs locis et quibuslibet iurisdictionibus dicte Comende uel membroru(m) eiusdem uendas des impi=
gnores permutes distrabas, siue in emphiteosim perpetuam, aut ad tempus concedas sine speciali n(ost)ra licentia Magistri Religionis atq(ue) Cap(itu)li g(e)n(er)alis pro tempore existentium. Et siq(ue) absit) contra inhibitione(m) n(ost)ram om(n)i(um) aliquid uel ali=
qua operari seu facere te contingat illud et illa ex nunc prout ex tunc cassamus annullamus et decernimus irritum et inane, nulliusq(ue) penitus existere ualoris uel efficacie. In cuius rei testimonium Bulla n(ost)ra Magistralis plumbea
p(rese)ntibus est appensa. Datum Melite in Conuentu n(ost)ro. Die Decimaquarta mensis octobris Millesimo quingentesimo septuagesimo quinto. + iurium et pensionis.

In Cancell(ar)ia

Thomas gargallus Vicecancell(arius)