Ich Otacher von Havspach. Vergih vnd tvn chvnt allen den die disen prief lesent oder hovent lesen die nv lebent vnd hernach
chvnftich sint. Daz ich mit gvtem willen mit verdahtem mvte. zv der zeit do ich iz wol getvn mohte. Vnd nah meiner frevn
de Rat geben han meinem pruder hern chvnraden. sand Johans Ordens. meins rehten Aigens. Vier phvnt wienner
phenninge geltes. die da ligent datz sand Margreten Avf fivnf halben lehen. da zv den zeiten avf sazzen Jænsel
der Golar. der Perndorfer. Mærchel pvrchhart. der Gebhart vnd die Ekkein. So beschaidenlichen daz der vorgenant
mein pruder her chvnrat sol die vorgenanten vier phvnt geltes haben vnverchvmbert vntz an seinen tot. Vnd nah sei
nen tot. Vnd nah seinem tode so sol denne die vorgesprochen gvlte her wider gevallen avf mich Otachern von
havspach. oder avf die nahsten mein erben do si ze reht hin gevallen sol an allen chrieg. Vnd pin avh ich der selbe
gvlte sein rehtev gewer vnd schirm fvr alle ansprach nah des landes reht ze Osterreich. Vnd gib im dar vber di
sen prief zv einem offen vrchvnde vnd zv einem waren gezevge diser sache versigelten mit meinem insigil.
vnd mit meins pruder insigil hern Vlriches von havspach. der diser sach gezevg ist mit seinem insigil. vnd ander
frvme levte genvch. den dise sach wol chvnt ist. Diser prief ist geben ze wienne do von christes gebvrt wa
ren ergangen Dreitzechen hvndert iar in dem Ain vnd zwaintzgisten iar dar nah. An sand cholmans tage