Ich Vlreich der Rotenmænner. Vnd ich Jrmgart sein Hausvraw. Wir vergahen vnd tuen chunt allen den di disen prief lesent oder
lesen horent. die nv lebent vnd her nach chumftich sint. Daz wir mit vnser erben guetem willen vnd gunst mit verdachtem
muet vnd mit gesamter hant ze der zeit do wir iz wol getuen mochten. vnd mit vnsers verdithern hant hern Hain
reiches von Schawnberch zv den zeiten Comitwer der herren daz sand Johans in der charnerstrazze. Vnsers erchauf
tes guetes zway phunt purchrechtes wiener phenning geltz die da ligent auf Wolhartes des Laurein Waingarten
von Grintzinge der da leit in der Mægenspartz des ein virtail ist gemacht erben dem Hændlein. Da von man alle
iar dient ainen aymar weins gepurchrecht Vnd ainen wiener phenning ze voyrreht vnd nicht mer. Ræht
vnd redleich verchauft vnd hin geben haben dem erbern manne Heschken dem pecken vnd vrawen diemue
ten seiner hausvrawen vnd irn erben. Vmb virtzehen phunt wiener phenning der wir gar vnd gæntz gewert
sein. Jz schullen vnd mugent auch allen irn frumen da mit schaffen mit versetzen mit verchæuffen geben swem
sy wellen an allen irn schaden. Jz sint auch die egendnten zway phunt purchrehtz aller iærleich ze dienen ze drein
tægen in dem iar. An sand Jorgen tag zehen vnd fumf schilling. An sand Michels tag zehen vnd fumf
schilling. ze Weinnæhten zehen vnd fumf schilling mit allem dem Rehten als man ander purchreht
dient in dem land ze Osterreich. Wir mugen auch die vorgendnten gulte ab losen mit als gueter gulte
swænne wir die gehaben mugen. Dar zv schullen vnd wellen wir ich Vlreich der Rotenmænner vnd ich Jrmgart
sein hausvraw der egendnten zway phunt geltz purchrehtz Reht gewern vnd schirm sein mit Reht als
alles purchrehtz Reht ist in Osterreich vnd der stat ze wiennen. swaz dem vorgenmten hern Heschken dem
Pecken Vnd vrawen diemuten seiner hausvrawen oder irn erben ab der an get. daz schullen si vnverschaiden
leich haben. auf vns vnd allem vnserm guet daz wir in Osterreich haben wir sein lebenich oder Tot. Daz disew
Rede furbaz vnzerprochen beleib dar vber gib ich egendnter Vlreich der Rotenmænner disen prief versigelt
mit meinem Jnsigel. Vnd mit vnsers verdithern Jnsigel Graf Hainreiches von Schawnberch. vnd mit hern
Eugen Jnsigel des weingen Leupotz sun. Die diser sache gezeug sint mit irn jnsigeln. Diser prief ist ge
geben nach christes gepurd dreutzehen hundert iar. dar nach in dem fumf vnd virtzichstem iar An sand
Jorgen tag