Wir Graf Otte von Sternberch vnd vnser erben . Verjehen vnd tůn chunt allen den die disn brief lesent oder horent lesen . Daz wir vnuerseht
denleich gelten suln . Johansen dem Wienting(er) schreiber des hochgeborn fursten Hertzoge Albrechtes ze Osterreich . ze Steyr vnd ze Chernden . vnde
Herren dem Eyspurger vnd irn erben . Vier vnd fumfczich phunt wienner phenninge . vnd haben in da fur ze phant gesatzt mit gutem willen
mit verdachtem mvt zü der zeit do wir es wol getůn mochten . vnsers rechten Aigens vnsern Hof der da leit ze Loch ze nachst Chunraden
dem Hurter . vnd ein halbe Lehen daz dar zü gehoret vnd swaz dar zü gehoret ze velde vnd ze dorf es sei gestift oder vngestift versucht oder
vnversucht wie so daz genant ist . Also mit ausgenomenet rede daz wir si der vorgenanten phenninge wern suln an sant Jorgen tage der
beschrist chvmt . vnd swaz si vnserer pannes oder chvmer pannes . dar auf gepauwet habent . daz suln wir in denne mit sampt den ege
nanten phenningen an dem selben sant Jorgen tage wider chern . nach der vmbsezzen rat . vnd swaz auch nutze die selben zeit von dem
egenanten Hof choment oder chomen mugent die suln si alle in nemen vnd nezzen ze gleicher weis als wir selber an allen abslahe . Wær
aber daz wir si des vorgenanten irs gutes alles . als es vor benant ist nicht richten vnd werten . An dem vorgenanten sant Jorgen
tage . so sol in denne der egenant Hof vnd swaz dar zü gehoret des nachsten tages dar nach fur daz selbe gelt alles als es vor be
nant ist ledichleichen veruallen sein ze einem rechten chaufgüt . daz si da mit suln furbaz allen irn frvmen schaffen verchauffen
versaczen vnd geben swem si wellen an allen irrsal . Wær aber daz wir den selben Hof vnd swaz dar zü gehoret . furbaz verchommn
wolten es wær mit verchauffen oder mit versaczen . chæm vns denne ander læut dar vmb geben . vnd dar auf leihen wellent
an alles geuær . da suln wir in den selben Hof vnd swaz dar zü gehoret fur geben oder versaczen . als ander læut tůn wellent
ob si in dar vmb haben wellent an alle ander rede . vnd suln auch wir des vorgenanten Hofs vnd swaz dar zu gehoret in
recht gewern vnd schirm fur alle ansprach als Aigens recht ist vnd des landes recht ze Osterreich . Wær aber daz in mit
recht dar an icht ab gienge daz suln si haben auf vns vnd auf allem vnserm güt daz wir haben in dem lande ze Osterreich
oder swa wir es haben wir sein lebendich oder tode . vnd geben in dar vber disen brief zü einem vrchunde versigilt mit vnserm
Insigil . vnd mit Hurcharts Insigil von Olasperen . vnd mit Otten Insigil des valchenstainer die diser sache gezeuge sint
mit irn Insigeln . Diser brief ist geben ze wienne nach Christes gepurt drevzehen hvndert iar dar nach in dem Acht vnd
<transcript stopped because model output began looping; manual review required>