Ich Eyman der wagner der den Schotten wienn vnd ich Anna sein hawsfraw vnd all vnser erbn
Wir veriehen vnd tun chunt allen den die den brief lesent oder horent lesen die nu lebent vnd hernach kump
tig sint das wir mit gutem willen mit verdachtem muet vnd mit gesambt hant zu der zeit da wir es wol
getun mochten vnd in vnsers geprechen hant des ewrn geystleichen hern herrn michels des syndrams
zu den zeiten verweyser des haws sand Iohanns in der kernerstraz ze wienn verchawfft habn vnsern
weingarten gelegn ze hernals in den lanngen luzzen der ein halbs lehen ist genent die rinhartin stost
vnter des hiltpruger weingarten an den egn(anten) vnsern weingarten alle Iar dint dem haws sand Iohans
eynen emmer weins ze perkrecht vnd aynch wiener pfennig ze wienrecht vnd nicht mer den egn(anten) wein
gart habn wir recht vnd redleich verchawfft vmb gebn mit allen den nuzzen vnd rechten als wir in vnner
prachtnleich in perkrechts weis herpracht habn vnd als er mit vber geczimert ist vmb siben vnd virczig
pfunt wiener pfennig die vns gancz vnd gar awzricht vnd gecalt seint dem erbern herrn herrn sandhalm zu den
zeiten caplan ze wienn vnd caplan ze wienn in der capelln gelegn ze wienn in sand Iohans haws in der
kernerstraz den denselben weingartn verchawfft hat von den pfennigen die der hochgeborn furst herczog albrecht ze oster
reich gestifft hat zu der ewigen mess die er in die egn(anten) gotzleichnam capelln gestifft vnd geschafft hat ewi
chleich dacz zebleibn vnd sein wir egn(anten) Eyman der wagner vnd ich Anna sein hawsfraw
vnd all vnser erbn gewerfelleich des egn(anten) weingartens dem egn(anten) ewigen messer vnd allen den
die ir caplan vnd messer sint oder werdent stant gawn vnd siczen fur alle anprach als perkrechts
recht ist vnd des lanndes recht ze osterreich wer aber das in furpas an denselben weingartn icht chriegs
oder anprach aufstund von wem das wer mit recht das wir in des schaden nement die selbn anprach
awzrichten vnd chundmachen an allen irn schaden vnd sullen awch si die selbn anprach awzrichten vnd
auf allem vnserm gut das wir habn in dem lannde ze osterreich swa wir es habn vns sein lehenig oder
eigen vnd des zu chauf furpas also stet vnd vnprochenleich beleib vnd chunt von selbs aygens insigels
recht habn daruber so habn wir vns vnd fur all vnser erbn in den brief vnsere lawter insigel vnd
zu einer ewigen vestnug darumb verpiten mit des erbern weisen vnsers hern insigels des sym
drams vnd mit des erbern lewt insigeln niclas des tumels des smides vnd seifrid des schuster von
der hailiginstat die wir des erbetn habn das si ir insigel gezeugen an den brief angehangen habn
denselbn ewigen weingartn in schaden vnd verpindn vns awch mit vnsern trewn an gneb vnder irn insigeln
alles das stet ze habn vnd ze laistn das wir an dem brief geschribn stet der gebn ist ze wienn nach christs
gepurd drewzehenhundert Iar darnach in dem acht vnd achczigistn Iare des nachstn sand Iohans tag
sand martins tag