Karolus dei gratia Romanor(um) Rex Semp(er) Augustus et Boemie Rex Ad p(er)petuam rei memoriam. Quotiens a nobis petitur q(uo)d Religioni et honestati conuenire dinoscitur animo nos
decet libenti concedere et petentium desiderijs congruum suffragium impartiri. Nouerit igitur p(re)sens etas et futura op(er)is successiua posteritas Q(uo)d ad n(ost)ram accedens p(re)sentiam Honorabilis et Re
ligiosus vir frater Waltherus de Coloma Commendator domus hospitalis in honore sacrosancti Corporis xp(ist)i extra muros Ciuitatis Wratislauien(sis) site ordinis sancti Johannis fratrum Cru
ciferor(um) Jher(osol)imitan(orum) deuotus noster dilect(us) exhibuit nobis duas l(itte)ras infrascripti tenoris. Petens nos humiliter et instanter. Quatenus easdem de uerbo ad uerbum approbare ratificare et con
firmare auctoritate Regia et benignitate solita dignaremur. Prime igitur littere tenor talis est Nos Johannes dei gratia Boemie Rex ac Lucemburgen(sis) Comes tam p(re)sentib(us) q(uam) futuris
scire volum(us) vniuersis. Q(uo)d cupientes ardentius ob n(ost)ram et progenitorum n(ost)ror(um) animarum salutem domum hospitalis in honore Corporis xp(ist)i dedicatam et ante Ciuitatem Wratislauien(sem) situatam
ordinis sancti Johannis fratrum Cruciferorum Jher(osol)imitan(orum) fructuosis semp(er) et continuis rerum et possessionum proficere affluentijs vt inibi habitantes vtilius dei n(ost)ris Regalibus freti p(re)
sidijs eo deuotius ac liberius possint insudare. Jpis Preceptori et Conuentui d(i)c(t)e domus Cruciferor(um) presentibus et futuris de sp(eci)ali n(ost)re munificentie gratia indulgemus et concedim(us)
liberam facultatem. vt Jpi in Ducatu n(ost)ro et districtu Wratislauien(si) super terris et in Ciuitatibus hereditates et bona proprietates et predia pro suis vsibus et possessionibus nomine do
mus Cruciferor(um) incorporandis et fruendis emere siue denarijs et comparare libere valeant atq(ue) possint habenda tenenda d(i)s(t)ruenda et p(er)petuis temporibus possidenda Ea que emerint seu com
parauerint pacifice et quiete mandantes volentes de Capitan(eo) noster qui nunc ibidem est et qui pro tempore fuerit vt necessitate ad id se offerente bona hereditates proprietates et possessiones
per eos comparatas dictis Preceptori et Conuentui domus Cruciferor(um) conserue iuxta prefati ducatus n(ost)ri Consuetudinem et porrigere debeat iuro nomine atq(ue) dote. Jnhibentes etiam d(i)c(t)is Capitan(eo)
Officialibus et vasallis n(ost)ris vniuersis et singulis sub optentu gr(ati)e n(ost)re firmiter et expresse. Quatenus seped(i)c(t)e domus fratres ordinis Cruciferor(um) contra huiusmodi n(ost)re concessionis gratiam
non impedire debeant aliqualiter nec presumant. Harum n(ost)rar(um) quas sigillo n(ost)ro consignari fecimus testimonio l(itte)rar(um) Dat(um) Wratislaue Anno domini millesimo Trecentesimo Tricesimonono
in die sancti Laurentij martiris. Secunde vero littere tenor talis est Nos Karolus domini Regis Boemie Primogenitus Marchio Morauie vniuersis et singulis p(re)sentes inspecturis l(itte)ras Ad
p(er)petuam rei memoriam volumus esse notum. Q(uo)d licet de liberalitate solita paternor(um) fidelium et n(ost)ror(um) comodum et augmentum prospicere g(e)n(er)aliter debeamus. Tamen horum p(re)cipue qui dei
omnipotentis intuitu ut in eius ferueant seruitio terrena a se et secularia desideria penitus abdicarunt. Hinc est q(uo)d nos paternor(um) et n(ost)ror(um) in domino deuotor(um) fratrum videlicet Cruciferor(um)
ordinis sancti Johannis Jher(osol)imitan(orum) et domus ip(s)or(um) Corporis xp(ist)i prope Wratislauiam ex caritatis visceribus comodo et p(ro)fectibus intendere cupientes volumus adnuim(us) et p(re)sentibus consen
timus expresse. vt Commendatores et f(rat)res d(i)c(t)e domus Corporis xp(ist)i qui sunt aut fuerint p(ro) t(em)p(o)r(e) bona hereditates redditus seu Census in dominio Wratislauien(si) si et quando facultas eis
suppetet licite p(ro) se et d(i)c(t)a domo temp(or)aliter et p(er)petue possint et valeant comparare aut emere et suis d(i)c(t)eq(ue) domus sue vsibus seu vtilitatibus applicare Q(uo)d(que) possint et valeant bona hereditates
redditus aut Census quoscumq(ue) eis et eor(um) domui intuitu dei et elemosine uel testamenti nomine erogatos accipe licite et sine contradictione qualib(et) pacifice possidere. Mandantes paternis et n(ost)ris
fidelibus Capitan(eo) Consulibus Ceterisq(ue) Officialibus Wratislauien(sibus) qui sunt aut erunt p(ro) tempor(e). Quatenus huiusmodi comparationes emptiones concessiones seu erogationes elemosine uel testamenti
quandocumq(ue) et quotienscumq(ue) p(er) eosdem f(rat)res uel Commendatores ip(s)or(um) et domus Corporis xp(ist)i p(re)d(i)c(t)e requisiti fuerint porrigant recipiant approbent et admittant Et eosdem f(rat)res bona ip(s)or(um) mobilia
et immobilia p(re)sentia et futura auctoritate n(ost)ra manuteneant defendant fauorabiliter et conseruent. Mandamus igitur d(i)c(t)is Capitan(eo) Ceterisq(ue) Officialibus p(re)d(i)c(t)is et quibuslib(et) alijs Nobilibus et
potentib(us) cuiuscumq(ue) conditionis existant ne in d(i)c(t)or(um) fratrum domo p(re)d(i)c(t)a seu bonis ip(s)or(um) quibuscumq(ue) aliquas stationes faciant aut descensus Contrarium facientes se indignationem n(ost)ram
grauiter nouerint incursuros. Harum n(ost)rar(um) testimonio l(itte)rar(um) Dat(um) Wratislaue in Crastino vndecim milium virginum b(ea)tar(um) Anno domini mill(es)imo Trecentesimo Quadragesimotertio Nos
itaq(ue) p(re)d(i)c(t)i Commendatoris iustis supplicationib(us) clement(er) et fauorabiliter inclinati Et ut domus Hospitalis prefati sacrosancti Corporis xp(ist)i ad quam deuotion(is) gerimus singularem ex beniuolen(tia)
Regia gratiam consequatur auctioris salutaris. Prefatas l(itte)ras prout de verbo ad uerbum p(re)sentibus sunt inserte approbam(us) ratificam(us) Jpsasq(ue) ex certa n(ost)ra scientia p(re)sentis sc(ri)pti p(at)rocinio co(n)firmam(us)
Nulli ergo omnino hominum liceat hanc n(ost)re approbationis ratificationis et confirmationis paginam infringere aut ei ausu temerario contraire. Contrarium facientes indignationem n(ost)ram
se nouerint grauiter incursuros. Jn quor(um) omnium testimonium p(re)sentes scribi et sigilli maiestatis n(ost)re munimine iussimus communiri Dat(um) Wratislaue Anno domini millesimo
Trecentesimo Quadragesimooctauo Jndiction(e) Prima. xiiij. k(a)l(e)nd(as) Decembr(is) Regnor(um) n(ost)ror(um) Anno Tertio :~