Wir Ratmanne der Stat Breslaw von Koniglicher gewalt von Behmen haldende vnd wesende die houpt
mansthafft zu Breslaw Bekennen offintlich mit diesim kegenwurtigen briue das vor vns gestanden habin der
Ersame vnd Zuchtige her Jorge priester vnd wilhelm gebruder Trebilsigk genant wolgesunt leibes vnd
synnen mit wolbedachtem mute vnd rechten uff recht vnd redlichin In eyme rechten kouffe vnd In eyner
weynugunge vmb andirs gutis Fünff marg Jerlichs zins frey an allin dinst vnd geschois nichtis usge
nomen vmb funfftzig marg grosshin den Geistlichin hern Bartholomeo prior vnd andern brudern des Klo
sters zu Sandte Wenczlaw das man andirs zu Sandte Dorothean nennet zu Breslaw des Ordens Sancti Au
gustini vnd zu handen der Sampenitge desselbin Klosters die Jtczunt den obgenan widerwessern gancz vnd gar
ussgericht vnd vorgenugt sint als sie vor vns offintlich habin bekant In vnd uff Ir gut vnd dorff zu Her
mansdorff In dem Breslawschin gebiete gelegin vnd seynen zugehorungen nichtis nicht usgenomen noch
uszunemen Zugebin vnd zubeczalin denselbin zins dritthalbe marg uff Sandte walpurgen tag vnd nu
uff den nehisten Sandte walpurgen tag anzubebin vnd dritthalbe marg uff Sandte michele tag dornoch
nehist volgende vnd also vorbas zugebin zugebin vnd zubringen denselbin zins alle Jor Jerlichin In das
obgenan Kloster uff dieselbin guldetage vnd uff der genan Jorge vnd wilhelm gebruder gerunge vnd ebin
terwe bey der pfandunge die die genan Sampenitge des benan Klosters adir wen sie dorzu benomen werdin
thon mogin mit des houptmans hulffe zu Breslaw als offte vnd dicke der vorge schreibin zins uff die benup
ten guldetage gancz vnd gar nicht gefellit vnd zutun mit den genomen pfanden als ap alle recht vol
komelichin domethe werin begangen mit vollemacht zuvorgebin zuvorkewffin zuvorsetzin zuvorwech
seln gancz adir ein teil adir sust an Iren vnd des genan Klosters nucz vnd fromen zuwenden als das en
allirnuczlichste mag gesein vnd zustaten komen Ouch das die vorgenan her Jorge priester vnd wilhelm
gebruder vnd Ir nochkomen mogin den vorgeschreibin zins wedir abekewffin vmb funfftzig marg grosshin
Wenne sie das vormogin vnschedlichin vorbessen zinsen noch machingal abzurichtin Denselbin kouff uff
reichtunge vnd allis das vorgeschreibin stehit habin wir Stete vnd gancz vnd bestetigen sie von koniglicher
gewalt von Behmen der wir gebruchin mit dem koniglichin Jngsegil der landkuchte des furstinthums
zu Breslaw das da ist zugebin vnd zusatzin das an desin kegenwortigen brieff ist gehangen Gebin zu
Breslaw an der methewoche noch der Eylfftausint Jungfrawen tage noch Cristi geburth vierzen
hundert vnd Jm achtvndvirczigisten Jare Oober sint gewest die Ediln wilenth linkaw heintze bra
mer heintze kembabe heintze schellindorff Thomas weyll zcunds Jorg Buntczel Custer vnd heintze
Cammer vnsirs herrn des konigis von Behmen cham vnd hannus bankaw Cangelir des vobennptn
furstinthums zu Breslaw der desin kegenwortigen brieff gehabt hat In beuelunge

Zins Bartholomei et con(uentus) zu s(ancto) w(enceslao)
adir dorothee zu vorab v(on) g(ut) vnd
dorff d(omi)ni In br(eslaw) et bonis hermansdorff