In nomine domini amen. Cum nichil corruptibilium in se perpetuari possit humana solercia ad hoc inuenit literarum
noticiam vt illud quod a priorib(us) scripturis ageritur posteriorib(us) et successorib(us) iugiter notum fiat hinc est quod ego
Fritzko dict(us) Grellenort scultetus hereditarius in Gerschow cupio transire ad memoriam omnium hominum tam pre
sencium quam futurorum serie istarum litterarum peruenire necnon renouare quod quondam quidam patres nostri pie memorie
dominis cruciferis Ierosolimitanis ordinis sancti Ioh(ann)is presentib(us) et posteris quibuscumq(ue) manentib(us) a curia eorundem
perpetuum testamentum videlicet vnam dimidiam carratam trechoris vini calcati et non torculati et sex talenta
cere assignauerunt et erogando dederunt super bona mea et vineas vinctas in villa Gerschow sitas ad sculteciam perti
nentes in remedium animarum suarum et omnium eorum legitimorum successorum singulis annis in festo Michahelis sancti om
ni prorogacione et contradiccione perhenniter possidenda eandem legacionem uel quod testamentum dominis cruciferis legatum
Ego dictus Fritzko successor et possessor illarum vinearum et aliorum bonorum existens fratrib(us) cruciferis prenominatis quibusda(m)
annis preteritis non erogaui neq(ue) persolui tum propter magne paupertatis inopiam tum propter predictarum vinearum in fe
cunditatem seu sterilitatem Sed quia sepedicti domini de maturo consilio suo et omnium et specialiter vt pii et deum timen
tes legatimum meum defectum intuentes ac demum confraternitatem ordinis que ab ipsis in hoc seculo et in futuro percipi
mus deuotissime adtendentes preassignatum testamentum in mitiorem quendam testamenti mutauerunt ita quod ego
Fritzko Grellenort vna cum omnib(us) meis legitimis successorib(us) ammodo vnum quartale vini melioris et sex talen
ta cere de dictis vineis et bonis meis in Gerschow supradictis fratrib(us) singulis annis in festo Michahelis vt premissum
est finaliter in perpetuum erogabo preterea in ueritate dinoscatur Quod si bona mea vel vinee mee ad manus aliorum
per vendicionem aut per alienacionem deuenerint extunc ipsi homines predicta bona et vineas possidentes eandem
legacionem testamenti fratrib(us) supradictis factam tenebuntur inuiolabiliter obseruare Ne igitur talis legacio et dona
cio per me aut per meos legitimos successores in posterum eclipsim paciatur presens scriptum mei sigilli munimine
extat firmiter roboratum Actum et datum anno domini mill(esim)o ccc xx sexto in Gerschow in banni(ci)o iudicio
proxima feria secunda post dominicam qua cantatur Reminiscere miseracionum tuarum domine presentib(us) Concelino Gebehardo
sculteto statuto et iuratis Gebehardo antiquo Henrico Wetzel Michaele Helner Petre fabro Ioh(ann)e dicto Alberti
Nicol(ao) pecori Ioh(ann)e petri Syffrido pecori et Ioh(ann)e magno et aliis fide dignis hec eciam ordinacio processum habuit
coram fr(atr)e Conrado de Benhartz commendatore in Strigunz fr(atr)e Paulo de Leuenberc fr(atr)e Waltero de Segunz fr(atr)e Wiekardo ibide(m)
fr(atr)e Nicol(ao) de Swidenitz fr(atr)e Ioh(ann)e de Gorlitz fr(atr)e Lampto et aliis plurimis fide dignis