Wir Ratmanne der Stat Breslow Bekennen vnnd tun kunt offentlich mit dysem briue vor allermenig
lich das vor vns in siczendem Rate komen sein die Ersamen petir trebil vnser getrewer eydgnos vnd Caspar poppel
vor sich vnnd in macht Marg(a)r(e)t(e) poppils alle drey als geleywarter vnd geschefftiger elwern der togentlichen Jung
frawen Salomee pauli poppils elwern burgers zu legnicz nochgelossener vnnd elicher tochter vnnd haben mit
vnser gunst vnd willen recht vnd redlich vffgereicht dem Schaffer zuder Sandt Jorgen vater vnd Herr der Crew
ziger des ordens sand Johannis von Jherusalem allhie des Closters zum Heiligen leichnam Handen Sechs firdunge
rechter zynse in die Czehen marck zins die die gnante elwern Junckfraw Salomea vff vnser Stat gehabt hat
vnnd die ir von irem vater paul poppil ankomen sein vnd die er elwern von Nitas Stentellin vnd Agnessen
seiner elichen Husfrawen in dem iare alsman geschreben hat Noch Cristigeburt virczehenhundert vnd dornoch
in dem Achtzehenden iare Am Sonnobende noch sant Martellen tag an sich bracht hat vnnd von Hannsen Hart
las vff die gnante ffrawes Agnes als seine tochter anerstorben ist die do vrsprunglich vff vnser Stat Noch
Cristigeburt virczehenhundert dornoch in dem ersten iare am Mitwoch vor Elsabet elwern Benesschen Sitter
pfeyl vorkowfft vnnd vffgereicht sein allis noch lawte vnd vssweisunge derselben alden brieff von vnsren vor
farn Ratmannen vormals dorvber vssgegangen Also das die gnanten Andechtigen vater vnnd Herr allhie zum
Heiligen leichnam die yczunder sein vnd in zukunfftigen ewigen zeiten sein Werden vor die obgnante Junckfraw
Salomea alle iar ierlichen einen Jarmarckarium halden vnnd begeen sullen an dem Sibenden tage des monden
ffebruarii mit vigilien vnd Nwen lection vnd mit eyner gesungen selemeßen dieselben Sechs firdunge zins dor
kome also zu haben vff ygliche Quatuortempora achtzehen schillinge Heller alle Jar glich mit allem rechte
zu widerkouff noch lawte der obberurten alden Brieff vngehindert Vnnd des zugeczugnus haben Wir vnser
Stat Jngesigil an disen brieff lossen hengen Gegeben Noch Cristigeburt virczehenhundert vnnd dornoch in dem
Sechsundsibenczigsten iaren Am Sonnobende vor Reminiscere